" بعد ال30 بطلت اخس وبطلت احرق""أنا أصلا عندي لخبطة هورمونات ومش بحرق""إحنا السمنة ف عيلتنا وراثة أنا مش بخس"
صباح الخير
كفاية حجج احياة ابوكم
طيب بسم الله الرحمن الرحيم قبل م تعلق كل مشاكلك ع الجينات، الهورمونات والسن في 3 خطوات لازم تعملها #ثريد
1-تتأكد إنك عامل عجز سعرات

مش حتخس من غير م تعمل عجز سعرات حتى لو بتاكل صحي
نص كوب الشوفان فيها نفس كالوريز النص رغيف
زيت الزيتون اللي بتدلقه ع الاكل ده فيه نفس كالوريز الزبدة البلدي
الدارك تشوكليت فيها كالوريز اكتر م التشوكليت العادية
المكسرات والشيا واللب السوري قنابل كالوريز
عصير البرتقال الفريش بيتخن

2-تتأكد إنك بتاكل بروتين كفاية
على الاقل 1.4-1.8جم/كج وزن مثالي
البيضة فيها تقريبا 7 جم بروتين
البروتين مهم عشان تأثيره الحراري، بيشبع وبيحافظ على كتلك العضلية
الناجتس والبرجر وكفتة الشارع و اللانشون مش بنعتبرهم بروتين دي دهون 😁 ورديئة
3-على الاقل 150 دقيقة رياضة

لو مش بتعمل ال3 حاجات دول على الاقل 25 يوم ف الشهر أحب أبشرك إنت مش حتخس
مش عشان السن ومش عشان الهورمونات ومش عشان الجينات
عشان إنت أصلا مش عامل دايت 😁😁😁
آه والله زمبؤلك كدة
النظام الغذائي يعني استمرارية وconsistency اداء إنتش واجري ملوش أي لازمة

مقولتش إن تغيير نمط حياتك شئ سهل لكن هو الحل الوحيد للأسف
ف قبل م تقرر تلوم الجينات والكواكب المجاورة اعمل ال3 خطوات دي لمدة شهر ولما متخسش "المعدل الطبيعي لنزول الوزن/الشهر 2-6كج" ساعتها نبقى ندور على مشاكل العدد والسن والجينات
#يوميات_طبيبة_تغذية