إيه اللي بيحصل للجسم لما نبطل تمرين فترة طويلة🤔
لو بتتمرن بانتظام وبعدين وقفت لأي سبب اصابة، سفر، شغل3حاجات بتتأثر
اللياقة
الكتلة العضلية
القوة
العضلات حجما بتصغر بعد أيام من توقيف التمرين مش عشان بنخسر الياف أو كتلة عضلية لكن لأننا بنخسر السوائل والجلايكوجين المخزن ف العضلات

اللياقة البدنية أو الVO2 Max بتبتدي تقل بعد 10 أيام من التوقف التام عن التمرين
بتقل 6% بعد 4اسابيع
20-25% بعد 11اسيوع
القوة strength: التوقف لمدة 6-12اسبوع بتقلل القوة 14-25%
أول حاجة بتتأثر بالتوقف هي اللياقة البدنية بعدها الكتلة العضلية وبعدها القوة

عشان نرجع لمستوانا تآني بنحتاج نص مدة التوقف تقريبا لأن في ذاكرة عضلية اتكونت
لكن طبعا الموضوع بيختلف على حسب فترة التدريب الاوليه والسن وفترة التوقف
طبعا خسارة القوة والكتلة العضلية بتكون اكتر ف كبار السن من الشباب

إزاي نحافظ على القوة و اللياقة والعضلات لما نوقف تمرين؟
أهم حاجة إن التوقف التام ميزيدش عن 10-14يوم
نحاول نتمرن تسع(الشباب) ل تلت(كبار السن) حجم التمرين المعتاد
اننا نتمرن 20% م التمرين المعتاد بس بيقلل نزول اللياقة 50%
#يوميات_طبيبة_تغذية #تغذية_رياضبن