رتبها

بما انك دخلت تقرأ الثريد معناته تبغى تتغير وهذا شئ إجابي وخطوة أولى منك للتغير أيوه اكلمك انت
كفاية تأجيل كفايه كسل واللي ضيعته من عمرك يكفي
اليوم هو اليوم اللي راح تبدأ فيه وماتوقف لحد ماتوصل الوزن المثالي
واليوم راح اعرفك على نظام #الكيتو وكيف تبدأ فيه بطريقة سهلة وبسيطه
(1)

خليني في البداية اعرف على نظام الكيتو وكم النسب اللي تأخذها
راح يكون ٧٠ في الميه دهون ٢٥ بروتين و5في الميه كاربهيدرات يعني عشرين جرام
وخليني ابسطها لك أكثر وأعطيك مثال وجبة كيتونية
(2)يتبع
#كيتو #كيتو_دايت #كيتو_مع_وليد

وخليني ابسطها لك أكثر وأعطيك مثال وجبة كيتونية
مثلا نص حبة دجاج مطبوخ في الزبدة او زيت الزيتون او زيت جوز الهند
وملعقة طحينة وسلطة ورقيات كبيرة وتضيف عليها ملعقتين زيت الزيتون وبكذا تكون وجبتك كيتونية شفت كيف النظام سهل وبسيط بدون تعقيد
(3)يتبع
#كيتو #كيتو_مع_وليد #كيتو_دايت

طبعا زيت الزيتون المضاف للسلطات والزبدة للقهوة تكون أول اسبوعين علشان نمرن الجسم على الدهون ويدخل مرحلة الكيتوسيس وبعدها تستغني عن الدهون المضافه وتكتفي بالدهون اللي في الطبخ نفسها علشان تخلي للجسم مجال يحرق الدهون المخزنه عندك من سنين
ودحين نبدأ بالخطوة الثانية
(4)يتبع
#كيتو

واعرفك على المسموحات والممنوعات في الكيتو
اول حاجة نبدأ بالممنوعات
راح تبتعد تماما عن أي كاربوهيدرات مثل
البطاطا والرز والمكرونه والمعجنات الحبوب الكامله
مثل الشوفان والشعير والقمح والعسل
نبتعد عن كل أنواع الفواكه ما عدا الأفوكادو والتوت والفراولة
(5)يتبع
#كيتو #كيتو_مع_وليد

جميع انواع السكريات والحلويات
ولاننسى الألبان
ونبتعد عن الدهون مثل السمن النباتي والزيوت المهدرجه مثل زيت الذرة والصويا
طبعا وصلت معي
لحد هنا بس بتقول طيب ايش اكل
كل شئ ممنوع انت بس
خليك متابع معي للأخير
وراح يعجبك النظام وتحبه اكثر
كل شئ في #الكيتو له بديل ولذيذ بعد
(6)يتبع

دحين ابدا معاك بالمسموحات
اولا كل أنواع اللحوم مسموحه
مثل الدجاج ومنتجات بحريه ولحوم حمراء
البيض والنقانق والمرتديلا
الأجبان الدهنية كاملة الدسم مثل جبن فيتا عكاوي وغيرها انواع كثيره بالأضافة للقشطة وكريمة الطبخ و
الخضروات الورقيه
(7)يتبع
#كيتو #كيتو_مع_وليد #كيتو_دايت

وغير الورقية مثل الباذنجان والكوسه والزهره وكل أنواع الخضروات مسموحه بس تنتبه من بعضها لأنها تحتوي على كارب عالي مثل البصل والجزر والليمون والطماطم
ايوه لا تستغرب شفت كيف قلتلك راح يعجبك ولسه الجاي في الثريد راح يعجبك اكثر
(8)يتبع
#كيتو #كيتو_مع_وليد #كيتو_دايت

والفواكه المسموحه مثل ما قلتلك عليها الأفوكادو والتوت والفراولة
دحين كذا انت قطعت مشوار كبير في التعرف على النظام
نجي للخطوه اللي بعدها والأهم
نصيحتي لك اول اسبوعين من النظام
تلتزم بثلاث وجبات فطور وغدا وعشاء
ومع كل وجبه تاخذ صحن ورقيات كبير وتضيف ملعقة زيت زيتون لها
(9)يتبع

لاتنسى الأساس في #الكيتو مهم جدا أسس نفسك مزبوط وحرق الدهون ماراح توقف عندك ولا راح يثبت وزنك
وطبعا لاتنسى شرب المويه ماتقل عن لترين في اليوم
واول ما تعدي اول اسبوعين انت كذا عديت اهم جزء في النظام
وتبدأ تقلل وجباتك من ٣ وجبات لوجبتين واذا جعت بينهم تاخذ صحن ورقيات
(10)يتبع

طبعا بدون إضافة زيوت للسلطه وتكتفي بالزيوت الموجوده في الطبخ طبعا بعد اسبوعين نطبق الصيام المتقطع مع النظام يكون الصيام اول يوم ١٤ ساعه ووجباتك تكون في خلال العشرة ساعات واليوم الثاني راح يكون صيامك ١٦ ساعه وتاكل وجباتك في خلال ٨ ساعات
(11)يتبع
#كيتو #كيتو_مع_وليد #كيتو_دايت

ذا احد يخوفك بأعراض اول اسبوعين في الكيتو اقلك لاتخاف وتشيل هم دامك ماشي صح وتأخذ معادنك اللازمه مراح تجيك اي اعراض الا صداع خفيف رابع يوم بسبب انسحاب السكر
(12)يتبع
#كيتو #كيتو_مع_وليد

قلتلك راح اشرحلك كل شئ وببساطه بس خليك معايه للأخير وتخرج من هنا وانت فاهم كل شي بالتفصيل
ونجي للخطوه اللي بعدها
المكملات اللي تحتاجها منها مهمه ومنها بتساعدك في النظام وحرق الدهون
لاكن خلينا في المهم
المغنيسيوم
الكروميوم
والزنك
وفيتامين د
والخميرة الغذائية
(13)يتبع

ولاننسى الملك تبع النظام خل التفاح العضوي
وأنصحك قبل ما تبدأ تروح تفحص وتعمل التحاليل اللازمة واذا كان عندك أمراض مزمنه وتأخذ علاجات او عندك سكر من الدرجة الاولى تروح تستشير طبيبك وبعدها تبدأ
والأهم انك ماتبدأ بدون ماتعمل تحاليل
ولاتاخذ اي مكمل الا بأستشارة طبيبك
(14)يتبع

ودحين وصلنا للنقطه المهمه
كيف تعمل وجباتك وايش هي بدايل الممنوعات
اقلك هيه بكل بساطه وانا وعدتك اني راح اشرحلك كل شي بالتفصيل
المكرونه له بديل
الرز له بديل
الكيك والحلا له بدايل
حتى الخبز والسكر له بديل وكل هاذي البدايل راح تلاقيها جاهزه في حسابي @Keto_w3
(15)يتبع
#كيتو

بس نصيحتي خذ كل البدايل اول شهر بس ابتعد عن الحلويات الكيتونية والمحليات
بس تحمل معي اول شهر وبعدها دلع نفسك مثل ماتحب
وأكيد انت مستعجل وتبغى تبدأ من دحين مثل ما وعدتني وتبغى تعرف فوائد المغنيسيوم والكروميوم والخميرة الغذائية والمكملات برضو مجهزلك وأقرأ عنها
(16)يتبع
#كيتو

دحين كذا انت جاهز
وتعرفت على أهم النقاط
واذا كان عندك استفسار
تواصل معي في الخاص
كل ما عليك انك تبدأ من الان وماتأجل لبكره لأنه الحياة بتمشي والوقت بيعدي ومراح تقدر ترجع الزمن وتتحكم بالوقت واللي ضيعته من عمرك يكفي
(17)يتبع
#كيتو #كيتو_مع_وليد #كيتو_دايت

وحان الوقت انك تغير حياتك انا تغيرت بفضل الله ثم هذا النظام انت ليش ما تتغير بس خلي عندك الاراده والعزيمة وراح تحقق المعجزات في حياتك
وقبل ما اختم راح انصحك ٣ نصايح واسمعها مني
(18)يتبع
#كيتو #كيتو_مع_وليد #كيتو_دايت #كيتوني #الكيتو #كيتوجينك

لاتخلي اصحابك والمحيطين فيك يحطموك او يخرجوك من النظام بطريقة او بأخرى وماعليك من المحبطين واللي يجي يقلك كل قليل او اعمل رياضه وتنحف امشي في طريقك انت في المسار الصحيح
٢ دأئما تأكد من وجباتك قبل ما تأكلها انها كيتونيه واحسب الكارب تبعك قبل كل وجبة
(19)يتبع
#كيتو #كيتو_مع_وليد

كل ما تقل عزيمتك ارجع للثريد وذكر
نفسك انك وعدتني انك تتغير
وانت قدها وتقدر توصل للي تبغاه في النهايه محد احسن منك غيرك وصل وانت بعد تقدر انت قدها
وفي الاخير أتمنى اني اكون افدتك بالمعلومات ولاتنسى اني احبك في الله واذكرني في دعائك
في امان الله
#كيتو #كيتو_مع_وليد #كيتو_دايت

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد