ترند تيك توك
"بلاش قهوة الصبح ع الريق بترفع سكر الدم عشان بترفع الكورتيزول" فنكوش تماما يا جماعة 😁
أولا م ترفع الكورتيزول هو الكورتيزول ده هورمون مهم جدا الجسم ييفرزه وله دورة بيعلى ويوطى منذ بدء الخليقة إيه الجديد مش فاهمة
الكورتيزول ف العادي لا يسبب السمنة

اللي بيعمل مقاومة انسولين وسمنة هو الارتفاع المزمن للكورتيزول لكن ال variations اليومية دي عادية جدا
ثم إن القهوة بتزود الكورتيزول بنسب ضئيلة جدا ف الحالات الطبيعية ده لو زودوا أصلا+تأثير القهوة
بيقل جدا بالاستخدام اليومي
اللي بيشرب قهوة يوميا لا بيأثر على ضغط ولا على كورتيزول

تأثير القهوة الملموس ع الكورتيزول بيكون وقت الstress مش الصبح نوهائي البتة
في كلام إن الصبح الكورتيزول بيكون عالي "ده خلقة ربنا عشان نفوق" ويبتدي يقل بعد كام ساعة م الصحيان ف أجل القهوة ساعتين تلاتة عشان تشربها وقت الكورتيزول م بيقل وتفوق اكتر
#يوميات_طبيبة_تغذية

نسيت اقولكم
هو أصلا كل الكلام العلمي ع الكافيين مش القهوة خالص
ف يعني لو حنمنع القهوة يبقى نمنع الماتشا والشاي برضه 😁😁😁 بس طبعا الماتشا حلو عشان السبوية
ومعلومة صغيرة كدة الكورتيزول مش بيزود إفراز الانسولين بالعكس ده بيثبطه عشان سكر الدم يعلى

والدراسات اثبتت إن long term كافيين ملوش تأثير على مقاومة الانسولين لا بالسلب ولا بالايجاب