ممكن نوقف جنون #الماتشا شوية
ماتشا لاتيه وحلويات الماتشا حنفية ماتشا اتفتحت علينا
الماتشا نوع من أنواع الشاي الاخضر لكن طريقه حصاده وتصنيعه مختلفه
الماتشا بيتزرع ف الضل وبيطحن كل ورقة الشجر فتركيز كل حاجة بتكون اكتر كتير
كل العناصر الغذائية و الكافيين اعلى م الشاي الاخضر

الماتشا والشاي الاخضر المفروض بيضافوا لمياة سخنة 70°C مش مغلية لأن المياة المغلية بتأثر على مضادات الأكسدة
بما إن الماتشا عبارة عن شاي اخضر مركز ف هي فيها كل ميزات الشاي الاخضر مركزة
كمية مضادات الأكسدة ف كوب ماتشا توازي 3 كوب شاي اخضر
الحقيقة الدراسات ع الإنسان قليلة جدا

لكن الدراسات ع الحيوانات اشارت إلى احتمالية إن الماتشا تكون بتقلل خطر الاصابة بأمراض الكلى، الكبد، تقلل ضغط الدم المرتفع، الدهون الثلاثية والكوليسترول
وغنية جدا بمضادات الأكسدة يمكن فيها مضادات اكسدة 10× الشاي الاخضر
لكن هل الماتشا بتخسس؟؟؟
الحقيقة مفيش دراسات اتعملت ع الموضوع ده

مفيش دراسات 🙄🤔
آه والله زمبؤلك كدة مفيش 🤣
الناس قالت لك ده شاي اخضر مركز يبقى بيخسس
مع ان مفيش جواب نهائي إن الشاي الاخضر بيزود الحرق
في بعض الدراسات اشارت لكدة لكن للأسف النتايج مكنتش consistent ف كل الدراسات

وسنة 2012 في review article توصل الى إن تأثير خلاصة الشاي الاخضر ع الحرق ضئيلة ولا ترقى لدرجة الأهمية
"الشاي الاخضر ملوش أي تأثير ع الشهية"
وبما إن الماتشا م الشاي الاخضر والشاي الاخضر م الماتشا ف مينفعش نقول بقلب كدة إنها بتخسس
الماتشا عظيمة ف التركيز ومش بس عشان الكافيين