الpsmf عمره ما كان هزار هنتكلم عنه و عواقبه و ليه لازم تبعد عنه و مش بيتعمل غير ف اقصي الظروف ، دا شات بيني و بين كلاينت و اد ايه الموضوع اثر ف شهيته و مجرد ما خلص انفجر ف الاكل حرفيا
ال psmf هو دايت بروتين بس انت كل وجباتك بروتين و خضار سلطه حتي مش بقوليات و نسبة دهون لاتذكر ، الدايت دا هيخليك تنزل وزن بسرعه مهوله عشان انت بتاكل سعرات لا تذكر اصلا ف طبيعي جسمك هيخسر دهون و ميه و جليكوجين و حتي جزء من العضم و الجلد ف حرفيا دا اسوء مود ممكن تدخل فيه جسمك
بدأ يبقي تريند الفتره الاخيره عشان طبعا كل الناس عاوزه تخسر وزن بسرعة من غير ما يفكرو ف اي عواقب لدا ولا هيأثر علي صحتهم سواء نفسيا او جسديا او عقليا ازاي و كل الي بيشوفوه ساعتها انه الحل السحري لخساره الوزن مع انه ف الحقيقة هو اسرع طريقة تعملك eating disorders من العدم
المشكلة هنا ان في ناس معندهاش فكرة بوجود حاجة اسمها eating disorders و بيعتبروها ضعف إرادة أو قله عزيمة و يبقي الذنب ذنبين و اعاقب نفسي اني مش عارف اخس و اعاقبها اني مش عارف استمر عشان نظام انا عارف انه صعب و مش مناسب بس طالما اتقال ان دا الحل ف خلاص تمام هعمله و اتحمل محدش احسن
مني عشان هو يخس بيه و انا لا و ايه المشكلة لما اجي علي نفسي شوية و بعدها ابقي ارجع اكل تاني او ابقي انبسط ف الفري، الدايت دا تأثيره علي الشهية من ابشع ما يكون مفيش إنسان بيطلع منه سليم و الشخص الي بيعمله لازم يبقي واعي و مدرك لكل حاجة هيمر بيها و يعرف ازاي يتعامل معاها من اول
المود السيء الي سببه نقص الكارب او انعدامه بمعني اصح بتتحول لشخص عصبي من اقل حاجة و إنتاجيتك اقل ما يكون و مش عارف تنجز حاجة ف يومك و يا سلام لو دا كان معاه قله نوم انت كده بتحكم علي نفسك بالعذاب ف لا انت بتاكل بالعقل ولا بتنام كويس ف بالتالي مش بتتمرن حلو عشان مفيش طاقة
و يبدأ العد التنازلي ف الانفجار و انك تبوظ كل حاجة بمعني الكلمة و ترجع كل الخطوات الي انت فاكر انك طلعتها قدام و بتلاقي نفسك اكلت مش اقل من ١٠ ل ١٥ الف كالوري كل يوم لحد ما تقدر تاني ترجع تسيطر علي نفسك في ناس بتعمل دا ٣ ايام و ناس اسبوع و ناس مش بتقدر تسيطر علي نفسها تاني اصلا
انا بحكم شغلي جربته مره واحده و استمريت عليه لمده شهر و مع إني واعي بكل حاجة و باكل كمية اكل كبيرة جدا ك خضار و بروتين بس الموضوع بيتحول معاك لهوس اني كنت كل يوم بحلم اني باكل رز انت متخيل رز مش حلويات مثلا؟ و من ساعتها قررت اني عمري ما هعمله تاني مهما كانت الاسباب ، حاجة كمان
لو انت شخص صحتك النفسية مش مستقرة بأي شكل ف انت بالدايت دا بتدمر الجزء المتبقي و بتصعب كل حاجة علي نفسك و هتلاقي انك بقيت نفسيا اسوء مما تتخيل عشان انت مفرقتش حاجة عن المساجين الي قدامهم كل حاجة و مضطر يلتزم بالمكتوب ليه ، الدايت دا ممكن يموتك حرفيا و اهم حاجة فيه حساب المعادن
و هنا بنتكلم عن الصوديوم و البوتاسيوم و الكالسيوم و الماغنسيوم ال٤ دول لو حصل فيهم اي خلل انت معرض تموت عشان ضغطك و نبضك و انقباضات جسمك كلها مرتبطه بيهم ف لما تلاقي نفسك دايخ و بتهبط اعرف انك بتعك و جسمك بيحذرك ولازم توقف الي بتعمله عشان انت بتعمله غلط ، طيب مين ممكن يعمل الدايت
الدايت دا ملوش غير سببين انك ف حاله مرضية و محتاج الوزن ينزل بسرعة جدا عشان حياتك ف خطر او عندك عملية و هنا بنتعامل معاه بحاجات تانية تظبط الشهية زي اوزيمبك أو انك عندك بطولة او فوتوشوت او محتاج شكل جسمك دا ف حاجة تخص شغلك و حياتك غير كده انت بتضر نفسك مهما كانت اسبابك
ال psmf مش بنعمله عشان
١. عندنا فرح
٢. طالعين البحر
٣. انستجرام عاوز يشوف الabs
٤. نخس بسرعة
٥. صاحبي عمله و خس بيه
٦. شوفت واحد علي النت جربه و قالك دا احسن نظام
كل دا وهم هتفضل تدفع تمنه طول حياتك و انت بتبقي عارف دا بس مش عاوز تصدق نفسك و بتضحك عليها ف اكيد يعني متستناش تكمل
١. عندنا فرح
٢. طالعين البحر
٣. انستجرام عاوز يشوف الabs
٤. نخس بسرعة
٥. صاحبي عمله و خس بيه
٦. شوفت واحد علي النت جربه و قالك دا احسن نظام
كل دا وهم هتفضل تدفع تمنه طول حياتك و انت بتبقي عارف دا بس مش عاوز تصدق نفسك و بتضحك عليها ف اكيد يعني متستناش تكمل
المهم انك عارف دا و هروبك من الحل انك تغير نظام حياتك بيخليك تكرره مره و اتنين و ١٠ و تدمر جسمك و تخسر عضلاتك و يا سلام لو معاه كارديو عنيف صدقني عمرك ما هتخس مهما عملت و هتلاقي ف الاخر انك burned out فتره كبيره من حياتك بتندم علي دا ، صحتك و جسمك مش لعبة متخليش حد يضحك عليك عشان
عارف ان وزنك او شكلك مسببلك مشكلة و هو عاوز ريتش او عاوز فلوسك عشان يبعتلك نظام ، مفيش مشكلة تدفع لشخص يساعدك بس متدفعش لشخص يستغلك و يدمر جسمك و يخون الأمانة ، الكلاينت دا صديق و كان مصر يجربه و بعدها تعمدت اقوله كل براحتك و دي كانت النتيجة حبيت اوريك دا بشكل عملي يمكن تستوعب !
جاري تحميل الاقتراحات...