ثريد الاسبوع عن احسن طريقة هتساعدك تاكل اكبر كمية سعرات من غير زيادة وزن !
مهما كان الدايت مرن أو سعراته عالية دايما بيكون في اكل محتاجين ناكله سعراته مش هتناسب البلان بتاعتنا سواء انها هتزود السعرات الي بناكلها او انها هتقلل من الاكل الي بناكله علي حسابها و ف الحالتين هنلاقي ان الاسلوب دا مش مناسب و مينفعش علي المدي البعيد و هنلاقي ان في ستريس موجود
عشان كده ظهر مصطلح ال calorie cycling و معناه اني بوزع سعرات الاسبوع بتاعتي حسب المناسب ليا أو بمعني تاني احتياجاتي ف الاكل طبقا لظروف ايامي المختلفة ، الاسلوب دا ممكن تطبقه عشان تحسن اداءك ف التمرين او انك تقدر تاكل كمية كالوريز عالية ف يوم واحد أو اكتر من غير زيادة ف الوزن
اهم حاجة بيتبني عليها الاسلوب دا انك تبقي شخص منظم بمعني انك عارف انت سعراتك الاسبوعية كام ، عارف اصناف اكلك ، عارف محتاج تاكل امتي سواء كان دا مناسبة او تجمع عائلي او انه جست الويك اند و عاوز تخرج و تاكل سعرات اكتر او انك حتي عاوز تكسر روتين البلان بتاعتك شوية
احسن طريقة لشرح الموضوع هو اننا نطبقه بمثال عملي
شخص سعراته اليوميه عشان يخسر وزن ٢٠٠٠ كالوري يعني سعراته ف الاسبوع ١٤الف كالوري ، الشخص دا عنده مناسبة مهمه و عاوز ياكل حدود ٥٠٠٠ كالوري ف اليوم دا الي هو حدود ضعف سعرات ثباته.
اول حاجة بنطرح ال٥٠٠٠ من الرقم الاسبوعي ف يتبقي ٩٠٠٠
شخص سعراته اليوميه عشان يخسر وزن ٢٠٠٠ كالوري يعني سعراته ف الاسبوع ١٤الف كالوري ، الشخص دا عنده مناسبة مهمه و عاوز ياكل حدود ٥٠٠٠ كالوري ف اليوم دا الي هو حدود ضعف سعرات ثباته.
اول حاجة بنطرح ال٥٠٠٠ من الرقم الاسبوعي ف يتبقي ٩٠٠٠
دا معناه انه هياكل ١٥٠٠ كالوري ف ال٦ ايام الباقيين ، طيب نفترض انه بيتمرن ٣ مرات ف الاسبوع و خايف اداءه ف التمرين يتأثر و محتاج كارب اكتر ف ممكن ايام التمرين تبقي ١٨٠٠ كالوري و ايام الراحه ١٢٠٠ كالوري عشان يقدر يحافظ علي اداءه ف التمرين و ياخد كمية اكل اكبر ف الايام دي
ممكن تطبق النظام دا علي يومين ورا بعض سواء هتاكل ف اليوم الاول او التاني ف لو مجموع سعرات اليومين ٤٠٠٠ ممكن تاكل ف يوم ١٠٠٠ و يوم ٣٠٠٠ و ممكن ايوه تعمل دا ب اثر راجعي بحيث لو المناسبة كانت مفاجأه و غير مخطط ليها ف مفيش مشكلة
يعني لو لقيت انك ف يوم زودت ٢٠٠٠ كالوري ممكن تنقص من
يعني لو لقيت انك ف يوم زودت ٢٠٠٠ كالوري ممكن تنقص من
الايام الي بعدها و تقسمهم عليها مش شرط حتي ف يوم واحد ،الاسلوب دا هيفيدك علي المدي البعيد انك تقدر تقلل من ستريس كميات الاكل الكبيرة لما تكون قدامك و انت نفسك تاكل منها و ف نفس الوقت خايف ان وزنك يزيد ، الاسلوب دا بنطبقه لما نكون عارفين ان السعرات الي هناكلها هتبقي كتير بس احنا
محتاجين اننا ناكلها و نقدر ننبسط بيها من غير خوف و معلومة كمان لو اكلت ٥٠٠٠ كالوري ف يوم ف جسمك هيحرق منهم لحد ٢٠% انه بس يقدر يهضمهم و دا بنسميه ال
thermic effect of food بحيث ان البروتين ليه اعلي تأثير و بعده الكارب و الفات يعتبر حاجة لاتذكر و دا هياخدنا لنقطة الذكاء ف اختيار
thermic effect of food بحيث ان البروتين ليه اعلي تأثير و بعده الكارب و الفات يعتبر حاجة لاتذكر و دا هياخدنا لنقطة الذكاء ف اختيار
الاصناف بمعني ان لو في اصناف اكل كتير قدامي ف انا هاخد اكبر كمية بروتين ممكنة مثال: روحت مطعم و عاوز تاكل بيتزا ف ممكن تطلب بيتزا مكوناتها لحوم او حجم اصغر من البيتزا مع كمية لحوم ك سايد و ممكن اللحوم دي تكون فرايد تشكين مثلا ف علي الاقل انت حققت اهم حاجتين انك انبسطت بالاكل
وقدرت تاكل اكبر كمية بروتين ممكن بالطريقة الي بتحبها و مش مناسبة ل اغلب ايامك ف البلان ف اكلت بروتين كتير زود تأثير الاكل الحراري ف حرقت سعرات كتير منها هيعتبر كأنك مأكلتهاش اصلا حدود خمس الكمية و الي هو مش رقم قليل !
تيب زيادة بدل ما تجيب بيبسي عادي هاته دايت طالما نفس الطعم
تيب زيادة بدل ما تجيب بيبسي عادي هاته دايت طالما نفس الطعم
كمان ممكن تطبق الاسلوب دا علي يوم واحد بس و دا عن طريق انك رحّلت السعرات بتاعتك للوجبة الي محتاج تاكل فيها اكتر نفترض انك خارج بالليل ف هتاكل الصبح و الغدا وجبات خفيفة و تستهلك باقي سعرات يومك ف وجبة بالليل و دا مش صيام متقطع عشان انت مش مقيد بوقت للاكل هو بس توزيع سعرات اليوم
اهم حاجة ف الاسلوب دا ان يبقي عندك ما يسمي ب ال accountability يعني انك قادر تبقي شخص مسئول و تقدر تنفذ دا و ميجيش يوم تقول لا مش مهم هعوضه بعدين ولا بكره ولا بعده و ف الاخر تلاقي نفسك فقدت السيطرة و زودت الستريس بتاعك ف خليك واعي دايما لمدي سيطرتك علي نفسك عشان تقدر تاخد فوايد
الاسلوب دا و تبعد عن عيوبه الي هي انك بتفقد السيطرة و مش قادر تكنترول الموضوع ، ممكن ال calorie cycle يدمج مع شكل تاني زي ايام refeed انك بتطلع لسعرات ثباتك يوم او اتنين كل اسبوع ف دا هيديلك مجال انك تاكل سعرات اكتر بدون تأثير علي وزنك لكن ممكن يقلل من سرعه نزول الوزن
الوزن هينزل دا اكيد لكن الريفيد من غير لازمه هيأثر علي النتايج ف هتكون ابطأ ف لازم تكون مستوعب دا عشان تقدر تتوقع النتايج صح ، كل الي انا قولته دا لا يغني عن ال diet break لو انت ف عجز سعرات ف هو اجباري عشان تقدر تفصل من ستريس الدايت و تطلع بسعراتك للثبات و تريح جسمك
ملخص الموضوع:
ال calorie cycling هيساعدك و انت ف عجز السعرات تقدر تسيطر علي الكريفينج وسط الدايت من غير تأثير علي النتايج و هيساعدك كمان لو انت خلصت عجز سعرات و بتحاول تثبت وزنك انك تقدر تاكل اكبر كمية اكل من غير اي ستريس أو زيادة وزن.
ال calorie cycling هيساعدك و انت ف عجز السعرات تقدر تسيطر علي الكريفينج وسط الدايت من غير تأثير علي النتايج و هيساعدك كمان لو انت خلصت عجز سعرات و بتحاول تثبت وزنك انك تقدر تاكل اكبر كمية اكل من غير اي ستريس أو زيادة وزن.
جاري تحميل الاقتراحات...