الصحة علم النفس التغذية قضايا نسائية اللياقة البدنية صحة المرأة
Nutri-Topia
Nutri-Topia

@Nutri_topia

21 تغريدة 2 قراءة Dec 21, 2022
Twitter
ثريد عن الدايت و تأثيره علي الfemales.
اتعمل poll امبارح و ٦٥% قالو ان حصل مشاكل مع البريود اثناء او بعد الدايت،ليه دا بيحصل ؟ و ازاي نقلل فرصة ان دا يحصل ؟ و ايه ال guidelines الي المفروض ال female تمشي عليها عشان نقلل من فرص حدوث اي مشاكل او اضرابات هرمونية ؟
و هل بتكون مشاكل ف الهرمونات بس ولا الموضوع اكبر من كده ؟
ال menstrual dysfunction مشهور بين الفيملز و خصوصا الرياضيين منهم لدرجة انهم بيعتبرو ان دي حاجة طبيعية و ان مفيش مشكلة من دا ، كمان الفيمليز معرضين اكتر لل eating disorders الي بتزود فرصه ان دا يحصل بسبب اهتمامهم ب ال body image الي لو زادت عن حدها بتكون مؤذية و محدش بيفهم دا
كلاينتس كتير فيمليز اتعاملت معاهم كلهم اجمعو ان حصل انقطاع كامل ف البريود بعد مده متوسطها شهرين ٣ شهور من دايت قاسي و الدايت القاسي دا هو الدايت التقليدي الي كل الناس بتمشي عليه بتاع البيضه و معلقه الفول و البروتين و الخضار و الزبادي بالليل ، اه دا دايت قاسي و مش مناسب لإنسان
الدايت ايا كان نوعه حتي لو عجز السعرات بسيط هو نوع من الستريس علي الجسم الي لازم يكون ليه رد فعل عشان يحمي نفسه من التغيير دا و انخفاض مستوي الطاقة و ال defense mechanism دا بيتناسب طرديا مع شده الدايت عشان جسمك ف الاخر هدفه يحميك انك تفضل عايش بغض النظر انت بتحاول تعمل ايه.
و كان في ثريد قبل كده بيتكلم عن دا بالتفصيل ممكن تشوفه و بعدها ترجع تكمل
لو اخدت بالك انا قولت ف الاول الرياضيين طيب ايه السبب مع ان دا مش هدف الرياضة و عكس التأثير المتوقع منها انها تخلي الجسم ف حالة احسن و اقوي
و دا هياخدنا للسبب المشكلة الاساسي و هو ال energy availability و تعريفها هي الطاقة المتبقية للجسم بعد خصم مجهود الجسم الاساسي للبقاء علي قيد الحياة و خصم المجهود الرياضي ، كل الابحاث اثبتت ان ال energy availability هي المنظم الاساسي لعملية التبويض و الموضوع هيكون بديهي الا حد ما
لو جسمك بياخد سعرات كافيه ف يومه ف دا هيترجم انِك ف بيئة مناسبة للتكاثر و بالتالي عملية التبويض هتكون شغالة بشكل طبيعي من غير اي مشاكل لكن مع وجود عجز ف السعرات و ان ال energy availability قليلة ف اكيد دي مش بيئة مناسبة ان الشخص دا يتكاثر او ان الطاقة الموجوده تكفي للحمل و امداد
الجنين بإحتياجاته الاساسية ، عشان كده ممنوع اي فيميل تحاول تعمل عجز سعرات اثناء الحمل بل بالعكس السعرات بتكون زيادة عشان يقدر الجنين دا يتغذي بشكل مناسب و زياده الوزن بتكون حتمية سواء من وزن الجنين او دهون ، دا اكيد مش هيمنع من السيطره علي زيادة الوزن لو تم حساب السعرات و انك
تعمل حساب للرقم المطلوب تاكله زياده عن الاحتياج عشان الجنين ياخد متطلباته من كالوريز و فيتامينات و معادن و حتي بعد الولادة السعرات بتكون زايده و بتقل تدريجي بعد ٦ شهور
مع نقص ال energy availability بيبدأ الجسم برد فعل عكسي انه يبدأ بتعديل نسب الهرمونات و اولهم ال gonadotropin releasing hormone الي بيتحكم ف افراز هرمون ال LH و ال FSH المسئولين عن عملية التبويض و بيحصل حالة اسمها anovulation و هو عدم قدره المبيضين علي انتاج بويضة لمده ٣ شهور
و الجزء التاني من رد الفعل العكسي للجسم و هو افراز الكورتيزول هرمون الستريس بكميات كبيره الي بيمنع افراز هرمون الاستروجين ف الموضوع مقفول من الناحيتين بمعني ان الهرمونات المسئولة عن التبويض قلت و الهرمونات المنظمة للتبويض قلت سواء استروجين او بروجيستيرون عشان هو بيتفرز من
ال ovarian follicle ف الموضوع محصلش من الاساس ف مفيش بروجيستيرون بيتفرز الي بدوره هيزود الستريس اكتر و المود هيكون اسوء ، هل دا بيحصل ف يوم و ليلة؟ اكيد لا بيبدأ الاول علي شكل oligomenorrhea و تعريفها عدم انتظام البريود ب انه بيعدي اكتر من ٣٥ يوم بدون بريود او ان السنه كلها فيها
من ٤ ل٩ بيريودز بس ، و بيطور الموضوع ل انقطاع و دا بيكون نوعين primary amenorrhea و هو ان البنت تعدي ١٥ سنه من غير ولا بيريود او secondary amenorrhea و هو ان الانثي يكون انقطعت البريود ستارت من ٣ شهور ف اكتر ، الموضوع كمان بيمتد للعظام عشان الاستروجين ليه مستقبلات علي العظام مهمه
للحفاظ علي كثافة العظام عشان الاستروجين بيمنع ال osteoclast الي بتكسر خلايا العظام عشان كده بعد ال٤٥ و انقطاع البريود بيكون الانثي معرضه اكتر لهشاشة العظام و الكسور بسبب نقص الاستروجين و كمان الكورتيزول بيهدم ف العظام بالتالي بيكون الضرر من كل النواحي و يزيد لو الانثي بتلعب رياضة
عنيفة العظام مهمه فيها زي الجري مسافات طويلة مثلا و حدود نص الرياضيات الي رياضتهم بتعمل سترس علي العضم بيكون معاها مشاكل ف البريود و نقص الكالسيوم و فيتامين دال و الحديد بسبب طبعا قله الاكل و عدم الاهتمام بالفيتامينات و المعادن.
كده احنا فهمنا ايه الي بيحصل و ارتباط الجسم ببعضه
ازاي نقلل فرصه ان دا يحصل ؟
١.متعمليش دايت قاسي منخفض السعرات و خصوصا الدايت المصري التقليدي و دايت الديتوكس و الزيرو كارب و الي زيهم
٢.مينفعش الدايت يبدأ برقم قليل ١٢٠٠ و ١٠٠٠ عشان مع الوقت هتقللي اكتر ف هتلاقي نفسك بتدخلي كالوريز الخطر و المشاكل بتبدأ
٣.متسمحش لدكتورك او مدربك
انه يمشيكي علي دايت قاسي او انه يخليكي تلعبي كارديو بالساعات يوميا علي اساس ان دا هيخليكي تخسي اسرع بالعكس هو بيدمر جسمك بتخسري عضلاتك و قوتك و عضمك و سيستم هرموناتك و للاسف مش هتخسي عشان جسمك هيمنع دا و هيخرجك بره الدايت زي ما بيحصل كل مره بتحاولي علي امل تشوفي نتيجة مختلفة
٤. ابدأي ب اعلي رقم ممكن يحصل فيه خساره وزن و الرقم دا بيكون سعراته عالية لدرجة ان محدش بيصدق انه ممكن تخسري وزن عليه و بتعامل مع كلاينتس فيميلز ب ١٩٠٠ و ٢٠٠٠ كالوري و الوزن بينزل ب انتظام من غير اي مشاكل ل شهرين و تلاته ف مفيش حاجة اسمها لازم اقلل كل اسبوع/ شهر
٥. حافظي علي احتياجك من الفيتامينات و المعادن كلها و خصوصا الكالسيوم و فيتامين دال و الحديد ، اعملي تحاليل و شوفي الناقص فيهم و بالمناسبة تحليل الحديد اسمه serum ferrtin مش الهيموجلوبين الي بيكون ف تحليل صوره الدم
٦.حتي الوزن ثبت مينفعش تنزلي عن١٢٠٠ لأكتر من شهر او اتنين بالكتير
لازم دايت بريك مش اقل من شهر و تبدأي السعرات من فوق تاني
٧. الكارديو مش بالساعات يوميا ، ساعه ف اليوم كفاية ف اقصي الظروف و اخر الحلول ف دا مش العادي انك تعملي دا كل يوم و خصوصا لو كارديو عالي الشده.
اتمني تعملي ريتويت و الثريد يوصل لأكبر عدد عشان نقلل فرصه ان دا يحصل ف المستقبل

التصنيفات

الصحة علم النفس التغذية قضايا نسائية اللياقة البدنية صحة المرأة

لم تظهر جميع التغريدات؟

جاري تحميل الاقتراحات...