ثريد عن ٤ أمور تحتاج تعرفها عن محبتك لنفسك ورعايتك لها:
١- العناية بالذات مالها خلطة متساوية عند كل الناس. كل واحد يسوي الروتين اللي يميل له، ويحبه، وينعشه. انت دورك تصنع خلطتك الخاصة وتخترع مكوناتها وعناصرها. كيف؟ ابدأ بإدراك العناصر اللي تحسسك بالانتعاش والدفء وضيفها في روتينك اليومي.
٢- مهم تعتني بنفسك كل يوم. مو شرط يكون كل يوم/أسبوع بنفس الخلطة والطريقة. فيه عناصر أساسية وفيه عناصر ثانوية. العناصر الأساسية حتكون فعالة لوما تاخذ وقت طويل منك النتيجة حتستسهلها وحتقدر تطبقها كل يوم. أما الثانوية فهي تقدر تنعشك لكن تاخذ وقت وتحضير هذه تخطط لها شهريًا مثلًا.
٣- لما تعتني بنفسك أنت بتوجه تركيزك وطاقتك على داخلك، عليك انت. يعني القوّة والفعل في يدك انت، أنت المتحكم بمزاجك حتى لو صار ما صار، حتعرف دايمًا كيف ترجع لنقطة ارتكازك من خلال عناصرك اللي تمدك بالانتعاش والشعور الجيد.
٤- لا تنتظر حياتك تصير هادئة والأجواء عالم زهري عشان تبدأ تهتم بنفسك وترعاها، تفاصيل صغيرة تضفي السكون داخلك والهدوء لك في عز زحمة يومك. حتلاحظ التغيير في طاقتك وحيويتك. من عهدك على نفسك رعايتها والعناية بها، مسؤوليتك الخاصة. ابدأ واستمر.
جاري تحميل الاقتراحات...