بيقولكالغمازات سببها " ضعف في عضلة الوجه "
العيون الزرقاء سببها " نقص في الخلايا الصبغية "
هي حاجات بتدل على الجمال، لكن سبب وجودها نقص ما !
فـ في قاعدة حلوة بتقول :
ربما كان عدم كمالك..سر جمالك .
لو اسقطنا المعنى ده على حياتنا فـ كل نقص في حياتنا هو سر جمالنا .

عارف كوباية الشاي ؟ لو سكرها زاد مش هتعرف تشرب من حلاوته و مش هيكون طعمه مقبول .
في حاجات في الدنيا بتتمنع عنك لأنها كانت هتبقى " أكتر من اللازم " و كانت هتحول شايك من القبول لـ غير المٌستساغ " وجود شخص معين - رزق معين - هدف ما .. إلخ "

أنت متعرفش وجود الحاجة اللي اتمنعت دي كانت هتحول حياتك ازاي ؟
" أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ "