ممكن اتفلسف شوي؟؟ ،، هذا الوقت لاتحتقر أي ابتسامة او أدنى شي يدخل السرور على قلب انسان ،، حنا في اوقات صعبة وجزء من وجودي في تويتر اني احاول ارطب التايملاين بشي يخفف توتر المتوترين ويغير الجو ،، يمكن البعض يشوفها سماجة لكن صدقوني عقلنا الباطن قاعد يتعب من اخبار كورونا بدون مانحس
ماافهم بالامور النفسية والسينمائية لكني متأكد اني قد قريت عن المقالات والافلام اللي فيها طابع ترويحي في الازمات والحروب يقوي تماسك المجتمع،، ماقول اني اقوم بهذا الدور لكن اقول اذا شفتوا ناس تحاول تطلع من مود كورونا لاتناشبونهم وتتهمونهم انهم باردين وماهمهم،، بعض الاحيان الهروب حل
بترجع تزهر الدنيا وتعود المياه لمجاريها وفترة الحظر بتكون من الماضي نتذكرها وناخذ منها دروس وعبر في كل شي على المستوى الاجتماعي والوظيفي والمالي حتى على المستوى الديني لازم نحترم النعم اللي الله وهبها لنا وبطرفة عين فقدناها وصرنا نتمناها ترجع ،، ماقول ادعموا التفاهه وقلة الحيا
اتكلم عن الناس اللي تغرد باشياء ممكن تكون تضحك او تخلق نقاشات جانبية مالها دخل بهموم المجتمع ،، المجتمع ماشاءالله صار متشبع بالخبراء والعلماء وكلاً يفتي حتى في طريقة تعاملك مع مخدتك قبل النوم ،، عطوا الهامشيين فرصة يمارسون حياتهم الطبيعية على تويتر دامهم مايخالفون العرف والقانون
هذي الايام تعمدت كثير ماغرد عن الطيران والثقافة واهتماماتي في الادارة والابتكارات ،، حتى مع اخواني تعلمت فورتنايت وفيفا ودخلت في مودهم ومنعت امي وابوي من توجيههم بعدم اللعب والسهر قلت خلهم يلعبون ويسوون اللي يبون بدون قيود ،، تغيرت نفسياتهم وحسوا بالحرية والاطمئنان،، مهو وقت جدية
بعد ماتزين الامور ويتعافى العالم ان شاء الله بنرجع كلنا طبيعيين حتى حساباتنا بتويتر بترجع مثل اول ،، عني شخصياً اتمنى اني مااطلع من هذي الايام الا بذكرى حلوة عشتها وياكم او ابتسامة رسمتها على وجيهكم بدون عداوات وحساد ،، مدري ليش مفلم واوفر دراما بس والله اني صادق ??
جاري تحميل الاقتراحات...