رتبها

شفتوا ذول البنات وش سووا؟ 👀
هذولا البنتين كانوا مودلز في فيكتوريا سيكريت لمدة سنتين ولما طلعوا قرروا انهم ينشرون ابرز الأشياء اللي كانوا يخلونهم يسونها عشان يحافظون على رشاقتهم وجمالهم 🦦

بس خلونا نتفق من البداية انها كلها اشياء مُسااااااعدة .. الاساس هو نمط حياتكم وغدائكم واذا عندكم اي مشاكل صحية والرياضة وشكراً 🤣🤝🏻
تعالوا اقولكم وش قالوا ..

في البداية تكلموا عن عصير المورينغا وقالوا انهم كانوا يخلونهم يشربونه كل صباح على الريق لأنه يساعد في تنظيف الأمعاء

وعشبة المورينغا معروفة بأسم "شجرة المعجزة" هي عشبة غنية بالألياف وتساعد وبقوة في علاج الأضطرابات الهضمية اللي تصيب المعدة زي الأمساك والتهاب القولون التقرحي وغيرهم .. بس تؤخد بحذر او تحت استشارة طبية

ناهيكم عن فوايدها للبشرة والشعر بسبب احتوائها على مضادات أكسدة وفيتامين سي وسبق وقلتلكم انها للشعر خيالييية 👏🏻👏🏻👏🏻

وثاني شي تكلموا عنه هو حبوب لقاح النحل 🐝 قالوا انهم كانوا يخلونهم يومياً ياكلون منها ملعقة صغيرة لأنها مع الوقت راح تساعدهم في تكبير وتحسين مظهر بعض المناطق بالجسم
وحبوب لقاح النحل فيها الفيتواستروجينات اللي تحفز انسجة الاستروجين عشان كذا تعطي هالاثر .. وهي بعد مفروض تكون باستشارة ضروررري ماتاخذونها من نفسكم

وثالث شيء تكلموا عنه هو الجريب فروت وقالوا انهم خلوهم يستمرون على اكله يومياً عشان يخسرون وزن
والجريب فروت لانه مليان بوتاسيوم والياف بالتالي اللي ياكله يحس بالشبع وفيه مركبات تحسن التمثيل الغذائي للجسم بالتالي يزيد من معدل الحرق

ورابع شيء تكلموا عنه هي فاكهة النجمة او القلنباق .. وهذه اول مره اسمع فيها منهم 👀
قالوا انهم كانوا يطلبون منهم ياكلونها بشكل يومي عشان يحافظون على نضارة بشراتهم
لان فاكهة النجمة .. فاكهة غنية بالفيتامينات ومضادات الأكسدة وتعتبر معززة لنضارة البشرة لانها فيها مركب الفلافونيدات اللي يكافح الجذور الحرة ويعزز انتاج الكولاجين

وطبعاً نرجع نقول هذه كلها مساعدات واشياء وعادات جيدة انكم تدخلونها في نمطكم الغذائي وروتينكم 👏🏻

المهم من ناحية العناية الخارجية قالوا انهم كانوا يحرصون عليهم انهم يغسلون بالصابون الطبيعي بدال الصابون الصناعي
لأن الصابون الطبيعي غالباً يصنع بزيوت معصورة على البارد ومليان مكونات طبيعية و فيتامينات تغذي البشرة وترطبها

و الصابون التجاري يتصنع بكميات كبيرة و بمكونات صناعية تنتج رغوة اكثر وهذا الشيء يخلي الصوابين تسبب جفاف للبشرة ويفقدها طبقة الزيوت الطبيعية اللي تحميها من العوامل الخارجية

وقالوا بعد انهم كانوا يخلونهم يستخدمون سيرومات للرموش بشكل مستمر عشان تتحسن رموشهم.. وش عليهم برموشهم 🦦🦦 صدق حياة المودل صعبة 🥲

و اخر شيء تكلموا عنه هو معجون الأسنان من براند MARVIS قالوا انهم اعطوهم هذا المعجون وحرصوا عليهم انهم يستخدمونه عشان يحافظون على لون ونظافة اسنانهم وانه الافضل
وقالوا فعلاً من رابع استخدام للمعجون لاحظوا ان اسنانهم سارت بيضاء اكثر من قبل وتلق من النظافة ✨
اللي جربوه وش رايكم فيه ؟ صادقين ولا يبالغون 👀