رتبها

قعدت ٣ شهور تقريبا ما أستخدم السوشل ميديا
وقتها كنت مركزة على حياتي وما أعرف شيء عن حياة أحد غير الناس القريبين مني.
في شيء ساعدني على هالشيء ولقيت أيضا فيديو Tips to break your social media addiction بيساعد أي شخص بيضيع وقت كبير على السوشل ميديا بدون ما يحس

السوشل ميديا مخصصة بأنها تجذب انتباهك وتشتتك عن حياتك، وممكن أيضا تسبب لك قلق وتوتر إذا كنت بتضيع كل وقتك عليها.
هنا لخصت بعض الأمور اللي بتساعدك على حل مشكلة الإدمان ⬇️

🧩بدل هالعادة:
اكتشف الأوقات اللي تجلس فيها على الجوال بشكل كبير وحاول انك تستبدل هالعادة بعادات أخرى مثل انك تسمع لبودكاست وتبدأ تعمل مهامك اللي ما تتطلب تركيز عالي بنفس الوقت عشان تشتت نفسك بشيء مُفيد وما تعطي لنفسك فرصة انك تتصفح.
شخصياً أروح لعالم آخر وأنسى الجوال لما أسمع لبودكاست مُمتع وأعمل في نفس الوقت الوقت.

🧩حدد مدة زمنية لاستخدام التطبيقات
شخصيا ما ناسبتني هذة العادة لأن أفتكر زمان لما جرّبتها كنت لسا أدخل بعض التطبيقات حتى مع تحديد مدة زمنية🥲 فأحس أنه ما كان فعال أبداً بالنسبة لي، لكن ممكن تناسبك، تقدر تحدد مدة زمنية من خلال الإعدادت في الجوال.

🧩احذف التطبيقات اللي ما بتخدمك
هذه الشيء اللي ساعدني أبعد عن السوشل ميديا لمدة ٣ شهور لأني حذفت كل التطبيقات ما عدا الواتساب. والآن حاذفة التطبيقات اللي تضيع وقتي وما أستفيد منها مثل السناب، أحمله فقط في الويكند عشان أتواصل مع الناس اللي أعرفهم وخلال الأسبوع أحذفه والحمدلله جداً مرتاحه بهالشيء لأني صرت ما أتقبل أضيع وقتي على يوميات وحياة الناس.

🧩افهم الأسباب
افهم الأسباب وراء تصفحك للسوشل ميديا بشكل مبالغ فيه. هل بتحاول تهرب من مسؤولياتك؟مشاعرك؟ أو ممكن مشاكلك؟ لأن السوشل ميديا فعالة في أنها تخليك مُخدر ومشتت. لما تحاول تفهم الأسباب الحقيقية وراء إدمانك لهذة العادة وتتعامل معها راح تساهم في حل مشكلة الإدمان.

🧩 مارس التأمل وعِش اللحظة
تقول بأنك كلما عشت اللحظة ومارست التأمل، كلما قدرت تدير حياتك بشكل أفضل. لأن ممارسة التأمل تخليك مركز وواعي بالمحيط اللي حولك. والتدريب على هالعادة راح يساعدك تكون واعي أكثر بالأمور اللي تعملها في حياتك، وبالتالي تقدر تنتبه بشكل أفضل على نفسك لما تلاقيها تتصفح بدون هدف.

تذكير:
السوشل ميديا نعمة كبيرة إذا استخدمتها بالشكل اللي ما يعيق حياتك أو يؤثر عليها سلباً💚

وبس والله أحب أبحث وألخص محتوى البودكاست وقنوات اليوتيوب القيّمة.
تابعني لو حاب تكتشف قنوات وبرامج مُثرية
وشاركني الشيء اللي بيساعدة تتعامل مع مشكلة الإدمان⬇️

تابعني بالانستقرام لو حاب تشوف هذا المحتوى بحلة بصرية مُلهمة💚 أنزل أيضا محتوى يومي على الاستوري
instagram.com…