رتبها

تعرفون سالفة هذه البنت او مر عليكم حسابها ؟ 👀
هذه البنت هي بلوقر وعندها مليون متابع تقريباً في حسابها وهالفترة تقول انها ملت من العزوبية وقررت تدور لها عريس .. بس مو أي عريس !! 🤣
تعالوا اقولكم سالفتها 👇🏻

هذه البلوقر قاعده تدور على عريس ثري يتزوجها ويصرف عليها و قالتها بكل شفافية تبي واحد ثري عشان فلوسه 💸 طيب وش تتوقعون سوت ؟

طبعت على ورقة باركود فيه يوزر حسابها مع عبارة " ابحث عن زوج ثري " ولاحظوا ما قالت علاقات وخرابيط وناس موب صاحية تبي زوج البنت صاملة بس اهم شئ ثري ومعه دراهم 🤣💸

وسارت تحط هذا الستكر على سيارات الأغنياء وفي اماكنهم وتوزعها على الناس و الناس مصدومين منها 🤣

العالم يروحون من مكان لمكان بالسيڤي حقهم عشان يحصلون وظيفة وهي تدور بورقتها على سيارات الأغنياء وتبحث عن زوج ثري 🤣🤣

وعندها تنوع في طريقة نشر الباركود هنا طبعته على التيشرت .. يعني ما قصرت اجتهدت بكل الطرق 🤣 بس هنا نست تكتب غني شكله اول ما يمسح الباركود بيطلعله تنبيه اذا موب ثري تراك مو مناسب 🤣

وسارت تروح لأماكن قوارب الأغنياء وتتكلم بالمايكرفون او مكبر الصوت عشان يسمعونها وتقول ابحث عن زوج ثري 💸

وفي مره من المرات كانت مسافرة وتحسبونها قالت خل اهجد بالطيارة ؟

حتى بالطيارة تدور على عريس ثري وقالت رقم مقعدها عشان اللي فيه المواصفات المطلوبة وحاب يتزوجها يجي يكلمها
اتوقع المضيفة مر عليها اغرب طلب لما استأذنت منها تتكلم وتقول ابحث عن عريس 🤣

و الطاقم كله مصدومين منها

طبعاً للان ما جاها عريس وبدأت شوي تفقد الامل وتيأس وقالت بنوع بالخطط .. وسارت تحط على سيارات الأغنياء ورقة تطلب منهم يعطونها فلوس عشان تشتري شنطة بيركن
ليتها قعدت على خطتها الاولى اهون شوي عشان الكرامة انسمحت كذا 🏃🏻‍♀️

ومشت خطتها الثانية وفي كم واحد عطاها فلوس وفي واحد جابلها فستان وهذا جابلها هدية شنطة من ايرميز.. هذا طبعاً واضح من الصورة وش يطلع 🥲

المهم تخيلوا انها مرات تنزل بالشارع وتتمشى كذا يعني على اساس تجذب الفلوس لها .. موب صاحييية 🤣🤣

وحسابها حالياً ضرب و شهرتها زادت بعد ما سارت توزع اوراقها في كل مكان .. وشكل الشهرة فعلاً راح تجيب لها عريس ثري يصرف عليها وترحم الناس من الورق اللي وزعته بكل مكان 🤣

وبس والله قاعدة انتظر تطلع وتقول سبرايز تزوجت ثري لاني احسها فعلاً بتتزوح ثري دام حطت الموضوع براسها وصامله 🤣

على طاري سالفتها خلوني اسوي معاكم فقرة مشاركات من زمان عن الاسئلة ..

في وحدة صدق تعرفونها قالت زيها بالضبط او شئ مشابه وتحقق ؟ يعني قالت بتزوج ثري وتزوجت ثري او قالت مثلاً بتوظف بالمكان الفلاني وتوظفت فعلاً .. عطوني قصصكم او قصص احد تعرفونه خلونا نعطي بعض طاقة ايجابية بالمشاركات انه مافي شئ مستحيل 🤣