فيه مرحلة من الحب تجاه الأشياء اللي أقتنيها تحثني على تعلم صناعتها. بهذي الطريقة، يصير عندي تقدير أكبر تجاه المجهود اللي يتم وضعه في المنتج النهائي اللي أقتنيته.
مثلاً، أحب الـ fine dining؟ تعلمت الطبخ. أحب السيجار؟ سويت سيجار خاص فيني.
ولأني أحب العطور، اليوم عندي وورك شوب لتصميم عطر خاص فيني عند Antica Spezieria Erboristeria San Simone في فلورانس.
بدأت الورشة بوصول الدكتورة وعرفت عن نفسها.
بجانب كونها صاحبة المحل ومصنّعة عطور، قالت لنا انها تحمل دكتوراه في الصيدلة. وقالت لنا إن المكان عريق ويمثل تاريخ فلورنسا عريق يمتد لبدايات القرن الثامن عشر (المحل تأسس في بدايات الـ 1700 ميلادي).
كان عددنا كبير شوي، قريب الـ ٢٠ شخص. وجلسنا على طاولات يتوسطها امبولات تحتوي زيوت عطرية مقسمة لثلاث مجموعات: مجموعة لقاعدة العطر، ومجموعة للقلب، ومجموعة للرأس. المجموعات اختارتها لنا الدكتورة وما هو مسموح لنا نغيرها او نستبدلها.
شرحت لنا فكرة تصميم العطر، وكيف إن الزيوت اللي قدمتها لنا لـ البيس نوتس تدوم حتى ٢٠ ساعة. أما نوتات القلب من ٣ إلى ٤ ساعات. والرأس مجرد افتتاحية تتلاشى في دقائق.
كان التمرين لاختيار مكونين أو ثلاثة من كل مجموعة، مع تحديد تفضيل لواحد من البيس نوتس.
كانت نيتي أسوي شي يحاكي السيجار، ولكن ما أعطونا زيوت عطرية تقدم نوتة التوباكو ولا نوتات تعطي النوتة السموكية. هنا بديت أتفحص الموجود عندي.. لقيت عندهم زيت عطري للسيدار الكندي، وبما إن السيدار اقرب شي للسيجار، قررت أبني كل شي حوله.
البيس: اخترت الڤيتڤر، والسيدار، وقلت للدكتورة أبي أضيف عليه نقط بسيطة من العود.
القلب: اخترت الهونيسكل، وهذي عشبة لها أزهار وتتميز برائحة فواحة. وقتها جلست أسولف مع بقية المشاركين على الطاولة وجاء ذكر أهمية شجرة إسمها الليندن في الشعر الألماني، وكيف دايم يعتبر استعمالها في الشعر كناية عن مناطق الراحة والتقاء الأحبة. حبيت الشجرة هذي والنوتة كانت عاجبتني قبل لا أعرف هذا المعنى لها، وأعجبتني أكثر بعده. ولهذا أضفتها للقلب.
الرأس: اخترت شي قريب من قلبي، ومختلف، ويرمز لنا كسعوديين.. اخترت القمح. السيدار والقمح فيه بينهم تناغم رهيب وأحسهم صاروا مثل خبز الساندوتش والليندن والهونيسكل حشوته.
الحين بعد ما اخترنا المكونات، جاء الكلام على النسبة والتناسب بينهم. وهنا الدكتورة سوت حركة رهيبة جداً.
طلبت مننا نحط نقطة من كل مكون على طرف ورقة مثل اللي تستعمل في محلات العطور. وبناء على الشي اللي حطيناه في التفضيل، بدت تسوي خلطتها بشكل ارتجالي.
صارت تثني كل ورقة من المكان اللي عليه النقطة، وبعدين بدال لا تخليهم على نفس الارتفاع، تحطهم على بعد مختلف حسب درجة التركيز: اللي كميته أكثر يكون أقرب للأنف، واللي كميّته أقل بعيد عن الأنف، وصارت تحرك الورق قدام وجهي. الحركة هذي أعطتني انطباع عن العطر وكيف ممكن يكون بشكله النهائي.
بعد ما أعطت كل واحد مننا الوصفة بناء على الاختبارات الارتجالية هذي، سألت من يبي يخلط بنفسه ومن يبي المحل يخلط له. اخترت إني أخلط بنفسي.
بعد ما خلطت الزيوت العطرية بالكامل شميت العطر بدون تخفيف، وكان عطر شتوي خشبي أفضل من ما توقعت كتجربة أولى بالنسبة لي. بعدها جاء وقت إني أضيف على الزيوت كحول وماء هم خالطينها ومجهزينها.
الحين لا بد إني أنتظر ٢٠ إلى ٣٠ يوم حتى أقدر استعمل العطر، وطلبت منهم إني أتعاون معهم في عطور مستقبلية ورتبنا طريقتها.
سالفة عطر التوباكو هذي ماني مخليها تعدي بالساهل :)
مثلاً، أحب الـ fine dining؟ تعلمت الطبخ. أحب السيجار؟ سويت سيجار خاص فيني.
ولأني أحب العطور، اليوم عندي وورك شوب لتصميم عطر خاص فيني عند Antica Spezieria Erboristeria San Simone في فلورانس.
بدأت الورشة بوصول الدكتورة وعرفت عن نفسها.
بجانب كونها صاحبة المحل ومصنّعة عطور، قالت لنا انها تحمل دكتوراه في الصيدلة. وقالت لنا إن المكان عريق ويمثل تاريخ فلورنسا عريق يمتد لبدايات القرن الثامن عشر (المحل تأسس في بدايات الـ 1700 ميلادي).
كان عددنا كبير شوي، قريب الـ ٢٠ شخص. وجلسنا على طاولات يتوسطها امبولات تحتوي زيوت عطرية مقسمة لثلاث مجموعات: مجموعة لقاعدة العطر، ومجموعة للقلب، ومجموعة للرأس. المجموعات اختارتها لنا الدكتورة وما هو مسموح لنا نغيرها او نستبدلها.
شرحت لنا فكرة تصميم العطر، وكيف إن الزيوت اللي قدمتها لنا لـ البيس نوتس تدوم حتى ٢٠ ساعة. أما نوتات القلب من ٣ إلى ٤ ساعات. والرأس مجرد افتتاحية تتلاشى في دقائق.
كان التمرين لاختيار مكونين أو ثلاثة من كل مجموعة، مع تحديد تفضيل لواحد من البيس نوتس.
كانت نيتي أسوي شي يحاكي السيجار، ولكن ما أعطونا زيوت عطرية تقدم نوتة التوباكو ولا نوتات تعطي النوتة السموكية. هنا بديت أتفحص الموجود عندي.. لقيت عندهم زيت عطري للسيدار الكندي، وبما إن السيدار اقرب شي للسيجار، قررت أبني كل شي حوله.
البيس: اخترت الڤيتڤر، والسيدار، وقلت للدكتورة أبي أضيف عليه نقط بسيطة من العود.
القلب: اخترت الهونيسكل، وهذي عشبة لها أزهار وتتميز برائحة فواحة. وقتها جلست أسولف مع بقية المشاركين على الطاولة وجاء ذكر أهمية شجرة إسمها الليندن في الشعر الألماني، وكيف دايم يعتبر استعمالها في الشعر كناية عن مناطق الراحة والتقاء الأحبة. حبيت الشجرة هذي والنوتة كانت عاجبتني قبل لا أعرف هذا المعنى لها، وأعجبتني أكثر بعده. ولهذا أضفتها للقلب.
الرأس: اخترت شي قريب من قلبي، ومختلف، ويرمز لنا كسعوديين.. اخترت القمح. السيدار والقمح فيه بينهم تناغم رهيب وأحسهم صاروا مثل خبز الساندوتش والليندن والهونيسكل حشوته.
الحين بعد ما اخترنا المكونات، جاء الكلام على النسبة والتناسب بينهم. وهنا الدكتورة سوت حركة رهيبة جداً.
طلبت مننا نحط نقطة من كل مكون على طرف ورقة مثل اللي تستعمل في محلات العطور. وبناء على الشي اللي حطيناه في التفضيل، بدت تسوي خلطتها بشكل ارتجالي.
صارت تثني كل ورقة من المكان اللي عليه النقطة، وبعدين بدال لا تخليهم على نفس الارتفاع، تحطهم على بعد مختلف حسب درجة التركيز: اللي كميته أكثر يكون أقرب للأنف، واللي كميّته أقل بعيد عن الأنف، وصارت تحرك الورق قدام وجهي. الحركة هذي أعطتني انطباع عن العطر وكيف ممكن يكون بشكله النهائي.
بعد ما أعطت كل واحد مننا الوصفة بناء على الاختبارات الارتجالية هذي، سألت من يبي يخلط بنفسه ومن يبي المحل يخلط له. اخترت إني أخلط بنفسي.
بعد ما خلطت الزيوت العطرية بالكامل شميت العطر بدون تخفيف، وكان عطر شتوي خشبي أفضل من ما توقعت كتجربة أولى بالنسبة لي. بعدها جاء وقت إني أضيف على الزيوت كحول وماء هم خالطينها ومجهزينها.
الحين لا بد إني أنتظر ٢٠ إلى ٣٠ يوم حتى أقدر استعمل العطر، وطلبت منهم إني أتعاون معهم في عطور مستقبلية ورتبنا طريقتها.
سالفة عطر التوباكو هذي ماني مخليها تعدي بالساهل :)
وهذا المنتج النهائي اللي بيرجع معي للسعودية
جاري تحميل الاقتراحات...