بناء على طلب الاصدقاء
عشاق الحلويات انتم على موعد مع المذاق الاميركي الاصلي لرائعه الحلويات
American cheesecake🍰
الكيك بحتاج 350 جرام بسكوت بطحنه وبعد كدا بضيف عليه 100 جرام زبدة سايحه واعجنه بالايد لحد ما يكون سهل التشكيل بفرده في القالب واضغطه على مقاس القاعده والجوانب وعلى التلاجه 20 دقيقة👇🏻

الحشو
جبنة فيلادلفيا 300 جرام مع كريمة خفق 150 ملل 3 بيضات و 50 جرام سكر بودره عصر نص لمونه و فانيليا نخلط الكلام دا كويس بالمضرب لحد مايكون كريمي ناعم نجيب القالب من التلاجة ونصب في الخليط وعندي الفرن مسخنه على 145 درجة لمدة ساعة وربع بس مهم يكون تحتها صينيه فيها مياه 👇🏻

بعد ما تطلع نسيبها تبرد خالص وبعدين اخر حاجه التزيين ودا حسب رغبتك وطبعا علشان الفضول عاوزه نفس اللي في الفيديو حقولك
200 جرام كريز شيلت البذر وجمدته مع معلقه نشا كبيرة و 4 معالق سكر كبار على النار بياخد غلوه وبوطي عليه خالص ياخد ويدي مع نفسه 3 دقايق وبعد ما يبرد ازين بيه الكيك

ملاحظات
*هي دي الوصفه الاصلية غير خالص على البارد
*مهم جدااا كل المكونات بدرجة حراره الاوضه
* اه انتي بتعمليها اسهل واحلى بمراحل
كل سنة وانتم حلوين متنساش 👍🏻🔁
👨🏻‍🍳🤞🏻