على طاري الجمال من يوم طبقت غض البصر الصارم اللي مايشوف الوجيه قدر الإمكان ويتجنبها، وأنا الحمدلله مستريح من جهة، لكن بنفس الوقت أشعر من زود التمنع إني ممتلئ ويمكن لو تقع عيني عشقت، أعصابي صارت غضة وبذروتها تحتاج بس توصلها بمنظر وتعيش داخله

وأنا متأكد إن الشوارع اللي اعبرها يسيرن حولي وأمامي يمكن أجمل الجميلات وعلى إن النفس تحاول تطمعك وتحسرك لكني متأكد إن حسرة الالتفافة أشد من حسرة الفوات، يوم تمضي عنك ونظرك معلق فيها وتسحب عصب قلبك لين تمزعه غير إنها تشتت تركيزك وتفسد خيالك، أمر ما يستحق النظرة

وأنا أشوف اذا اللي من حولي يتلفتون كيف الأمر ياخذ جل تركيزهم يصيرون ما يقدرون يستوعبون اللحظة، محبوسين في ذيك النظرة وعالقين في المشهد يعيدون صياغة السيناريو بألف طريقة وألف حسرة، فلا هم بلغوا شيء وإن بلغوا ما نالوا وإن نالوا ما صابوا إلا سراب..