إدارة الوقت ، اتخاذ القرارات ، التخطيط الشخصي
مهارات ناعمة تفرق بين اللي يسعى لتحقيق نجاحات عظيمة و بين اللي يعيش حياة عبثية
هل هي صعبة ؟
نعم مو بسهولة تكتسبهم
لكن هل هي مستحيلة ؟
طبعا لا لأن كلها مهارات مكتسبة و مثل ما اكتسبها غيرك تقدر تكتسبها و تحقق نجاحات و تساهم بتنمية وطنك
خطوات تحدي الأسبوع الثاني من عام 2024 :

نبدأ بالفوائد
بكل يوم نتخذ عدة قرارات مثل ايش بلبس ، ايش ب أكل، وين بطلع ، ايش الأشياء المهمة اللي بسويها و هذي كلها تستنزف تركيزنا و عقولنا
بنتعلم اليوم كيف نسحب بعض القرارات الأسبوعية لجلسة وحدة
فنحصل على تركيز أكثر خلال الأسبوع
و إدارة وقت أفضل
و نشاط ذهني نقدر نخصصه لأنشطة جديدة صعبة تساعدنا ننمو بسرعة
الخطوات :

1-ورقة و قلم او أحد تطبيقات الجدول الأسبوعي
2-الأسلوب المعتاد إننا نقسم اليوم لمهام و أنشطة ثم نلتزم بتنفيذهم
بهذي التجربة بنغير ، بنحدد ايش الأنشطة المعتادة و نقرر كيف بنسويها من الآن و ترتيب فعلهم
نبدأ بالملابس في الورقة أو التطبيق تحدد كل يوم ايش راح تلبس لمختلف أنشطتك اليومية من الأحد حتى الخميس
مثال
يوم الأحد بتلبس لدوام الثوب الفلاني
و لنادي اللبس الفلاني
و للبيت اللبس الفلاني
و كذا حتى تخلص كل الأيام
تنتقل للأكل:

كل يوم ايش بتأكل و متى بتاكله تقررهم من الآن و تضيفهم للجدول (شائع حاليا هدر الوقت بسؤال ايش ب أكل و يضيع حول ربع ساعة قبل كل وجبة)
أحصر بقية الأنشطة المتكررة اللي تمارسها حسب روتينك
مثل ايش بتتعلم و كيف بتتعلمه و ترتيبه في جدولك بعد ايش
و اتخذ قرارات الآن بكيفية فعل بقية الأنشطة و ترتيب فعلهم
ركز على الترتيب أكثر من التوقيت باستثناء النوم و الصلاة ركز فيهم على التوقيت و بيعملون كأعمدة تضبط يومك حتى لو تمططت بعض الأنشطة
الحين بيكون معظم قرارات الأسبوع تم اتخاذها و المتبقي عليك اتباع قراراتك المجدولة بحذافيرها
بتلاحظ راحة نفسية و سلاسة بأحداث يومك في حال خططت و قررت الحين و التزمت خلال الأيام القادمة يا متابعي الرهيب