التعامل مع الأسئلة الاجتماعية اللي تخص موضوع شخصي يعتبر صعب عند البعض، خاصة إذا بتجمع كبير و لامس نقاط تعثر في حياتك لست متصالح معها، غالبا الشخص يتفاجئ و ينفعل لكن بيكبح انفعاله و يدخل بحالة توتر تسبب ردود و تصرفات غير عقلانية أو التلعثم
هذي الخطوات تساعدك لتعامل معاها :

1- أنت لست في اختبار تصرف بدبلوماسية
خلي بعقلك إن مو مطلوب منك تجاوب، و إذا بتجاوب لا بيتم منحك درجات ولا بيخصم من درجاتك ما فيه صح و خطأ خذ راحتك
تقدر تصرف مثل
لحظة بخلص موضوع مع فلان و بجيك
و تكمل تسولف مع قريبك
صرف حتى تبرد الموضوع أو حتى يهدأ إنفعالك
و تقدر تختار واحد من الأسئلة مناسب لك و تجاوب عليه
و تقدر تهبد
نظام الثلاث أترام جعل السنة طويلة و الحين تغيرت الأنظمة و الواحد ما يدري وش يسوي لكن ربك يفرجها ، و لف وجهك ع خويك كمل تكلم معاه
القاعدة مو مطلوب منك تجاوب صح
إذا فكرت بهذي الطريقة بيروح التوتر لكن يتطلب تتدرب

2- اللي يسألك ليس عدوك ولا يحمل نية سيئة تجاهك غالبا وده يفتح سالفة معك لكن الأسلوب لك عليه
التفكير العدائي مباشرة يترجمه دماغك إنك بحالة خطر
و بناء عليه يرفع الأدرينالين حتى يهيئك لأعلى أداء مثل الجري بسرعة (الهرب) أو القتال
لكن تستوعب إن المكان حولك مو مناسب
فتضل تقاوم نوبة الإنفعال و هذا اللي يخليك تتلعثم و تتوتر 
و بدل تركز على الحوار تجلس بصراع مع نفسك
لا تفسر أي شي إنه خطر 
ركز على إبطاء تنفسك

3- الإحتواء و تغيير الموضوع الإختيارات غير محدودة، لست محاصر
تقدر ترد السؤال بسؤال او تفتح موضوع بديل
الأمور طيبة الحمدلله بشرني عنك، و فلان ايش صار عليه منقطعة أخباره
(لأن اصلا غايته يسولف مو غايته يحقق معك)
الصعوبة في التفسير الخاطئ لسؤال الآخرين لنا
إذا اعتبرناه موقف ودي بنتصرف بسهولة
إذا اعتبرناه يضغط نقاط ضعفنا و بيحرجنا
بيصير الموقف صعب
اختار أحد الثلاثة و تدرب عليه بمحاكاة ذهنية
تدريجيا بيصير جزء من سلوكك