عايزة اقول كم ملاحظة مهمة للرجالة المتجوزين:
١ - لما مراتك تكلمك و تبقى عايزة تتناقش معاك ف حاجة، ما تبصش لها بزهق و تملل و تبين انك متضرر منها عشان تخرسها او تقولها " ايه النكد دة؟" و لا تبص ف موبايلك او لابتوبك عشان دي قلة احترام و استفزاز مالهوش داعي، بص ف عيونها و اسمعها.
١ - لما مراتك تكلمك و تبقى عايزة تتناقش معاك ف حاجة، ما تبصش لها بزهق و تملل و تبين انك متضرر منها عشان تخرسها او تقولها " ايه النكد دة؟" و لا تبص ف موبايلك او لابتوبك عشان دي قلة احترام و استفزاز مالهوش داعي، بص ف عيونها و اسمعها.
و ما تقاطعهاش و ما تهاجمهاش لما تواجهك بعيوبك و تدخل في وضع الدفاع و تقلب عليها الطرابيزة و تتلاعب بيها عشان توصلها لنتيجة انها ماتتكلمش تاني معاك و تتوقع انك كدا انتصرت! لا، دة مش انتصار! انت بتخسرها بالتدريج و بتقتل مكانتك عندها لو الطريقة دي سلوك مُستمر عندك.
٢ - ما تتجاهلهاش و تمشي و هي بتكلمك و لا تستخدم ردود الكلمة الواحدة و تقفل الموضوع و لا تصرخ عليها عشان تخاف و تتراجع عن انها تطالب بحقها منك. و ماتعملش حاجات تهدد احساسها بالأمان زي انك ترمي حاجة على الحيطة او تكسر حاجة عشان تديلها اشارة انك ممكن تأذيها جسديًا. كل دة مش حقك
٣ - ماتقارنهاش بأي ست تانية، مهما كنت متضايق منها و متعصب و جايب اخرك، ماتقولهاش " انتي كنتي هتبقي ست احسن لو شبه الست الفلانية اللي كانت ف حياتي" او ايًا كانت مين الست اللي بتقارنها بيها، اوعى تقارن مراتك ب أي ست و لا تهددها انك هتتجوز عليها، كل دة أذى مش هيوصلك ف مكان.
٤ - مهم جدًا انك تتواصل معاها جسديًا كتير على مدار اليوم، يعني تحضنها على الأقل ٨ مرات و كل حضن خليه ٣٠ ثانية او لحد ما تحس انها بقت أهدى، لإن اغلب غضب الستات بيبقى جاي من انهم مش بياخدوا التلامس اللطيف الحنين دة من اللي متجوزينهم، ف يعني حضنك لها لازم تكون حاجة يومية.
٥ - اتعلم انك تستشيرها و تاخد رأيها في العموم و تستشيرها تحديدًا ف الحاجات المشتركة بينكم، مش تروح تتصرف عادي من وراها و تتعامل على انه انت الراجل و عادي تاخد قرارات بدون ما ترجع لها. انك تاخد قرارات بدون ما ترجع لها دة قلة احترام كبيرة لها و هتحسسها بالضغينة تجاهك.
٦ - ما تستخدمش اسلوب " انا الراجل و انتي الست" عشان اولًا مش حقك تستخدمه لإن مالكش أفضلية عليها و لا انت أحسن منها ف حاجة عشان تستخدم جنسك على انه حاجة بتبيح لك كل حاجة و بتخليك تحط القواعد و تهين جنسها بشكل مُبطن و تطلعها انه هي المتلقي فقط و لازم تسمع الكلام و ماتعلقش، دة غلط.
٧ - مافيش حاجة اسمها انك تتجسس عليها او تمسك موبايلها و تقعد تقرا محادثات و تشوف هي بتعمل ايه، دة انتهاك للخصوصية و كذلك هي مالهاش حق انها تعمل معاك دة. ف يعني لازم تحترم حدودها زي ماهي لازم تحترم حدودها.
٨ - ماتبقاش مهووس بالسيطرة و التحكم و افهم انها مساوية لك،
٨ - ماتبقاش مهووس بالسيطرة و التحكم و افهم انها مساوية لك،
هي مش تحت امرك عشان تتحكم فيها و تسيطر عليها، هي شريكة حياتك و مراتك و مساوية لك. و ماتقولش انك بتتحكم فيها " بإسم الحماية" لإن الحماية الحقيقية مش بتيجي من التحكم و السيطرة، انت بتحتاج تتحكم و تسيطر لإن عندك احساس بالتهديد و النقص، مش لإنك عايز تحميها و خايف عليها.
٩ - مالكش حق انك تديلها أوامر عمومًا، انت بتطلب منها و هي بتطلب منك الحاجة بإحترام ، لكن انت مالكش حق تديلها أوامر.
١٠ - مافيش حاجة اسمها أدوار مفروضة على كل واحد فيكم، الأدوار حاجة مرنة. يعني مش هتقول " انتي تنضفي البيت و تربي الأطفال و انا اجيب فلوس وبس" ، دة مش طبيعي عمومًا.
١٠ - مافيش حاجة اسمها أدوار مفروضة على كل واحد فيكم، الأدوار حاجة مرنة. يعني مش هتقول " انتي تنضفي البيت و تربي الأطفال و انا اجيب فلوس وبس" ، دة مش طبيعي عمومًا.
١١ - لازم تدي نفسك مجال انك تضعف معاها و تشاركها مشاكلك و وجعك و حزنك و عياطك، مافيش حاجة اسمها " انا راجل و الراجل مابيعيطش و لازم يبقى قوي طول الوقت" ، انت انسان و الإنسان بيعيط و بيضعف و بيحتاج حد يحضنه و يحتويه و يطبطب عليه و يرعاه. لكن ماتعزلش نفسك عنها و تخبي عليها مشاكلك
١٢ - ما تستخفش بوجعها و حزنها او مرضها و تقولها انها بتدلع، مافيش حاجة اسمها ان مراتك تكون تعبانة و انت تقولها انك بتدلعي او بتعيط و متضايقة و تقولها انتي بتدلعي. المفروض انت اقرب شخص لها و شريك حياتها، ف لو اقرب شخص لها بيعاملها كدا، هي هتروح فين و لمين؟!
١٣ - اهتم بأحلامها و أهدافها و طموحاتها زي ما انت بتهتم بأحلامك و أهدافك و طموحاتك.
١٤ - اسمع اراءها و وجهات نظرها و ناقشها فيهم، ما تستخفش و ما تستهزأش باللي هي بتفكر فيه و بتقوله، و ما تحاولش تفرض عليها انها تفكر بالشكل اللي انت بتفكر فيه و تتكلم بالشكل اللي انت بتتكلم بيه.
١٤ - اسمع اراءها و وجهات نظرها و ناقشها فيهم، ما تستخفش و ما تستهزأش باللي هي بتفكر فيه و بتقوله، و ما تحاولش تفرض عليها انها تفكر بالشكل اللي انت بتفكر فيه و تتكلم بالشكل اللي انت بتتكلم بيه.
١٥ - لو انت مهووس بالغيرة و الشك؟ افتكر ان دي مش مشكلتها، دي مشكلتك لوحدك و لازم تطلب مساعدة خارجية عشان تحلها. لكن انت ماتخليش حياتها جحيم و عذاب عشان تطمن نفسك، و اساسًا انت مش هتعرف تطمن مهما هي حاولت عشان تطمنك. ف انت محتاج مساعدة خارجية، مش مسؤوليتها هي انها تتحمل دة.
١٦ - احترم حريتها و مساحتها الشخصية و فرديتها و استقلاليتها، ما تنتهكش حدودها بكل إستحقاقية و لا تحاول تخليها عايشة في ظلك. لازم انتم الاتنين تحترموا حرية بعض و المساحة الشخصية لبعض و فردية و استقلالية بعض. ماحدش فيكم يجبر التاني على حاجة و لا حد فيكم يحاول يمتزج بالتاني.
١٧ - ما تلعبش دور الأب او تلعب دور البطولة ف حياتها و تاخد قرارات بالنيابة عنها كإنه هي ماعندهاش عقل و لا إرادة، لو هي عايزاك تاخد قرارات بالنيابة عنها؟ وضح لها انه دي حاجة مش من ضمن دورك و لازم هي تتعلم تاخد قراراتها لوحدها و تفكر لنفسها، عادي تطلب نصيحتك فقط.
١٨ - اتعلم تتحمل مسؤولية تصرفاتك و اغلاطك بالكامل و ماتلومهاش على اغلاطك، مافيش حاجة اسمها " انا صرخت عليكي و اهنتك عشانك استفزيتيني" ، انت مالكش حق انك تلومها على تصرفاتك و اغلاطك. انت مسؤول بالكامل عن تصرفاتك و اغلاطك، ف اعتذر بدون ما تدافع عن نفسك و تبرر، اعتذر فقط.
١٩ - ما تنتقدش الحاجة الكويسة اللي بتعملها لك سواء اكل او غيره، مش اول ما تحط لك الأكل تقولها " دة ناقص ملح" ، امدح أكلها لما تحطه لك و لو عندك تعليق خليه لبعدين و قوله بطريقة كويسة زي " حبيبتي ممكن تزودي الملح ف الاكل المرة الجاية، و بجد تسلم ايديكي الأكل كان تحفة النهاردة"
٢٠ - اوعى يعدي يوم بدون ماتفكرها قد ايه هي جميلة و قد ايه انت بتحبها و بتشوف نفسك محظوظ لإنها ف حياتك، ما يعديش اليوم بدون كلام حلو و لطيف و مايعديش اليوم بدون اعتذار لو انت مزعلها، و اوعى تسيبها تنام معيطة بسببك او مقهورة. خلي عندك تعاطف تجاهها لإنها مراتك، مش عدوتك.
جاري تحميل الاقتراحات...