حاجات اتعلمتها فرقت كتير في حياتي وخليتني شخص احسن:
١- متضيعش وقتك: اتحكم في وقتك متخليش وقتك هو اللي يتحكم فيك .. الوقت قيمته اكبر بكتير مما تتخيل فاستغله دلوقتي عشان متندمش عليه بعدين
٢- فرق بين متعتك وسعادتك: المتعة لحظية واثرها مبيدومش وبتيجي غالبا من الاستهلاك لكن السعادة

بتيجي من الانتاج او إحداث تأثير سواء على نفسك او على اللي حواليك
٣- بطل ترضي الناس: اهتم بنفسك شوية وحط نفسك اولوية عشان انت تستاهل .. الناس عمرها ما هترضى عنك فركز على نفسك و بس
٤- اتحكم في افكارك: عقلك عبارة عن صندوق فيه شوية افكار والافكار دي هي اللي بتحدد انت مين

و هتبقى فين ف اختار افكارك بعناية
٥- احترم الوقت والمواعيد: ادراكك لاهمية الوقت واحترامه بيأثر على حياتك بشكل كبير و بيفرق في طريقة تفكيرك واتخاذك للقرارات المهمة
٦- العادات: عاداتك ممكن تطلعك سابع سما و ممكن تدمرك و قوة العادات في انها حاجات بسيطة وسهلة بس بتحصل بشكل متكرر

على المدى الطويل واحسن كتابين ممكن يبرزو القوة دي هما العادات السبع للناس الاكثر فاعلية والعادات الذرية
٧- اتحكم في علاقاتك: انت متوسط اكتر ٥ اشخاص انت بتقعد معاهم فركز كويس انت بتقعد مع مين .. في مثل بيقول طول ما انت اغبى واحد في القاعدة ف انت في المكان الصح

لإن اللي حواليك هيشدوك لفوق .. لكن لو بقيت اذكاهم اهرب.
٨- الفلوس: لازم يبقى عندك خطة محكمة لخط سير فلوسك .. خطة (او خطط) للدخل و خطة للصرف و الاهم خطة للنمو
استثمر ولو جزء بسيط من فلوسك ومتستناش نتيجية عالمدى القريب
فكر بعقلية الاغنياء وعيش بأقى من مستوى دخلك