عندي صديق كان ساكن مع اماليه في الدور الثاني عنده قطعة أرض قرر يبنيها صمم فيها حوش أرضي مساحته 350م وأسرته متكونه منه وزوجته وثلاث صغار الحوش خذي منه قريب ثلاث سنوات لين كمله بحكم المساحة ومصاريف إنشائه وتجهيزه اللي كانت كبيرة رغم أنه دور واحد بس وتوه ليه ثلاث سنوات ساكن فيه
قالي ياعبدالرؤوف حرفياً الحوش مافيه شيء غلطة عمري درته بالمساحة هيا معاش قدرت نديرله أثاث بحكم مساحته الكبيرة يبي ثروة والصغار معاي في الحوش بس الاحتكاك معاهم معاش زي قبل اللي كنا ديمة بحدى بعض هذا من غير موضوع تنظيفه اللي متعب جداً جداَ
مرة حضرت وثائقي قالوا فيه دراسة أثبتت أنه الانسان يومياً المساحة الفعلية الي يتعامل فيها في حوشه تمثل 11% من إجمالي المساحة الخلاصة الي يبي يبني حوش نصيحة يدير مساحته صغيره مايبالغش في كبره باش يقدر يأثثه وينظفه وأسرته تتفاعل مع بعض ومصاريف إنشائه مقبولة ويستمتع فيه هوا وأسرته
جاري تحميل الاقتراحات...