ماتصحيش حد من النوم لأي سبب أيا كان..
إلا للضرورة القصوى ، وبالاتفاق معاه.
ماتضغطش على حد إنه يقوم من النوم، سواء باتصال أو غيره.
ماتشغلش حاجه صوتها عالي جنب حد نايم.
ماترشش حاجه ريحتها نفاذة جنب حد نايم.
لو بتشخر وانت نايم ياريت تتعالج وتشوف حل للموضوع ده.
..

عودوا ولادكم يحترموا حُرمة النايم، تغطوه ماتبصوش عليه، و تفتحوش عليه كل شويه و تخلوه يصحى من الصوت.
الأم اللي مش بيحلالها الغسيل والرزع والمكنسه والصريخ غير جنب العيال وهما نايمين، استهدي كده وان شاء الله مشروع مكوك الفضاء اللي بتعمليه ده أجليه شويه لغاية ما الكل يصحى.

قبل ما حد ينام..
خد حاجتك من اوضته عشان متزعجوش.
افتح بهدوء وبلاش تفزعه عشان عواقب الموضوع ده خطيره ع الدماغ والقلب. اتأكدوا من غلق الميه والغاز والأبواب والشبابيك قبل النوم.
نوم العوافي بقى 💚