مرة كنت بحصل فواتير المياه من مساكن شعبيه لبعد المغرب والدنيا بقت ليل دخلت بلوك ، ف الدور التالت بخبط ع شقه وبعد شويه فتحتلي بنت صغيره عندها بتاع 5 سنين ولابسه فستان قصير وسايبه شعرها وكان فيه لزقه طبيه ع قورطها ، فبقولها ماما ولا بابا فين يا حبيبتي ؟ قالتلي مافيش حد هنا ...يتبع

وراحت مشورالي ع الشقه اللي قصادهم وهي حطه وشها ف الارض ومش بتبصلي خالص ف انا مخدتش ف بالي وقولتلها طيب خلاص خشي انتي ، ودخلت وقفلت الباب ومنطقتش بكلمة تاني ، المهم خبطت ع الشقه اللي شاورت عليها فتحتلي ست كبيره ف السن ، فلوس المياه يا حاجه وحاسبتني وكله تمام ... يتبع

قولتلها طب بالنسبه للشقه التانيه دي تبعكم ؟ ، قالتلي لا يابني دي شقه مقفوله مافيهاش حد .. قولتها ازاي يا حاجه دا لسه فيه بنت صغيره فتحتلي ، لقيت وش الست اصفر والخضه بان ع وشها حقيقي ، قالتلي بنت مين يا بني اللي فتحتلك ؟ الشقه دي مقفولها بقاله 6 سنين ومحدش فيها ...يتبع

قولتلها وانا هكدب عليكي ليه يا حاجه ، والله العظيم لسه فيه بنت فتحتلي وشاورتلي ع شقتكم ، انا قولت كده والست فضلت تسمي بسم الله الرحمن الرحيم وتقرء قراءن وراحت ع الشقه ورجليها بتقدم وتأخر ونا معاها وفضلت انا وهي نخبط ع الشقه شويه محدش فتحلنا نهائي .. يتبع

قولتها خلاص يا حاجه مالوش لازوم روحت واخد بعضي وع البيت عدل مهوبتهش ناحية هناك نهائي بعد كده 😅