يبدأ الصلع الوراثي او تساقط الشعر بعد الثلاثين، وممكن يصير عند البعض بعد سن البلوغ. تحت هذي التغريدة راح اذكر جميع التفاصيل اللي خلتني اعالج هذي المشكلة
الفيتامينات والمعادن، للاسف الاغلب يلجأ لحلول خارجية على طول بدون ما يحدد سبب المشكلة واللي هو غالباً الوارد ويكون شيء داخل الجسم، قبل لا تلجأ لاي حل خارجي مثل الزيوت او الزراعة افحص وتأكد من الفيتامينات والمعادن اللي موجوده في الصورة وابدأ عالجها
المينوكسيديل، يستخدم كعلاج لتساقط الشعر ولكن البعض يلقى منه اعراض جانبية الافضل انك تاخذه بوصفة طبية كحبوب عن طريق الفم او بخاخ او رغوة على المنقطة اللي فيها تساقط، والافضل انك تاخذ منتج تكون جودته ممتازه وما تدور ارخص شيء موجود لانه ممكن يسبب جفاف او قشره في المنطقة، شخصياً كنت استخدم الفروة مرتين باليوم
الديرما رولر، يشبه الفرشه تقريباً ولكن بإبر صغيرة جداً تحركها على المنطقة اللي فيها تساقط مرة الى مرتين بالاسبوع وتحفز على نمو شعر جديد، الإبر نفسها لها اطوال مختلفة احرص انك تبدأ بأقل شيء من ثم تزيد بالتدريج كل شهر واحرص انك تعقمها بمحلول كحولي قبل وبعد الاستخدام
العناية بالشعر وفروة الرأس، انتشر موضوع ان استخدام الشامبو يومياً غير صحي بسبب الزيوت اللي تصدرها فروة الرأس مفيدة جداً وهذا شيء صحيح ولكنه غير مناسب خصوصاً عندنا في الخليج، بسبب حرارة الجو والتعرق وبرضو شخصياً التمرين، ضروري تغسل فروة راسك يومياً ولكن احرص انك تختار منتجات ممتازه
الوضع النفسي، انك كل شوي توقف قدام المراية وتشوف فيه تطور او انك ترضخ وتقول انك صلعّت خلاص وتلجأ انك تحلّق شعرك كامل بشكل دائم او انك تلجأ للكابات او الشماغ هذا اكثر شيء غير صحّي ممكن تسويه، انا اعرف انه صعب تنتظر والموضوع ممل انك يومياً تحرص ولكن لازم تعطي العلاج وقته
بالنهاية عندك حل انك تروح تركيا وتدفع مبلغ وقدرة وتسوي زراعة وتقدر تريح راسك من الانتظار والتعب هذا كله ولكن ما ناسبني شخصياً اني الجأ لعملية بس لسبب تساقط وفي كل الحالتين بياخذ معك العلاج نفس الوقت، وما تشوفون شر 🤍
جاري تحميل الاقتراحات...