أبسط حاجات تعملها ف يومك و هتلاقي تغيير تدريجي بدأ يحصل ف حياتك و هتلاقي شعور الطمأنينه اللي دورت عليه كتير ف الأفلام و الأغاني و مالقتوش:
١) حافظ كل يوم على أذكار الصباح و المساء
هى حصن عظيم مثل سور يأجوج
٢) حافظ على الصلوات الخمس ف أوقاتها و الأفضل لو جماعه ف المسجد ..

و صلي بهدوء و تأني بلاش جري أنت مش في سباق..
٣) لازم يومك يكون فيه ذكر ( سبحان الله و الحمد لله و لا إله إلا الله و الله أكبر و لا حول ولا قوة إلا بالله ، و الصلاة على النبي)
كل واحدة على الأقل ١٠٠ مرة و ابدأ زود تدريجياً
والمسبحه الالكترونيه أفضل معين على الاستمرار

٤) القرآن القرآن القرآن فيه حل كل مشاكلك و لازم تجعل لنفسك ورد يومياً على الأقل يكون صفحه و يفضل تقرأها بالتدبر و التفسير و هتلاقي نفسك فهمت القرآن و حابب تقرأ اكتر و اكتر.
٥)ياحبذا لو تفصل كل حاجه و تشغل قرآن بصوت شيخ مفضل ليك و تقعد تسمع خمس دقايق..

هتروح في عالم آخر من راحة البال و الطمأنينه..
٦) بعد كده اتعودت شويه ، تبدأ تدخل علي النوافل و هى سنن الصلاة و صلاة الضحى و اقرأ عنهم فيهما خير كثير.
٧) ياحبذا لو صحيت في الثلث الاخير من الليل و صليت ع الأقل ركعتين قيام و احكي لربنا همومك و هو سبحانه أعلم بها

هتلاقي راحة العقل و القلب و البال
٨) ماتنساش تعزم التوبة و صلِّ ركعتين و بلاش تنسى ممكن نموت في أي لحظه ، فأجعلها لحظة طاعه
٩) التزم بالحاجات دي الأول و بعد فترة بسيطة نزود حاجات تانية تثبتنا أكتر في طريق ربنا ❤️