١-عيان بقوله اللي عندك ده فيه اشتباه انه سرطان جلد فقالي : انا عندي ٨٤ سنة وعشت كتير وعشت حياة من اسعد مايمكن طول عمري.
تطور الحياة الطبيعي ان الانسان يتولد ويعيش ويموت بس الكارثة فعلا ان الانسان يموت وهو عايش فاي مرحلة فعمره وده محصليش فاي مرحلة فعمري !
يتبع

٢- بعدين قالي : انا بحب الحياة وطول عمري ايجابي وببص لكل حاجة ايجابية فحياتي واركز عليها وافرح بيها وزوجتي ساعدتني علي ده وده كان سر سعادتنا طول العمر.
الموت هيحصل هيحصل اجلا ام عاجلا بس انا مخسرتش حياتي وعشت مبسوط وهفضل ايجابي وسعيد لاخر يوم فالحياة.

٣- اللي لفت نظري فالكلام فعلا مصطلح : الموت قبل الموت.
لما فكرت فيها لقيت عنده حق...كله هيموت بس المشكلة فان الواحد يعيش حياة بطعم موت.
الحياة بتعاسة اكثر الما من الموت فحد ذاته.