بالنسبة للناس الجات مصر وعشان نحن في حالة حرب ومفترض نحسب صرفنا وما نبذّر دي نقاط عشوائية كدا عشان الناس ماتتغش:-
١- القروش هنا (خصوصا الفئات الصغيرة) عندها قيمة مازي السودان، فما تحقر بي الجنيه، ونص الجنيه وربع الجنيه كمان. هنا المواصلات بتلقاها بي مبلغ ونص،
١- القروش هنا (خصوصا الفئات الصغيرة) عندها قيمة مازي السودان، فما تحقر بي الجنيه، ونص الجنيه وربع الجنيه كمان. هنا المواصلات بتلقاها بي مبلغ ونص،
والنص دا بتشاكلو فيهو عديل، بتذكر مرة راكب المواصلات وبتاع الهايس ماعندو فكة وانا كنت نازل، بحنس فين اعفي ليهو ال(نص جنيه) لله والرسول! انت متخيل؟
٢- ماف داعي لي ثقافة التكاسي الكتيرة، صح فعلا اكتر شي مضمون ومريح، لكن (Google map) ماخلّا حاجة، اتعلم شوية عشان توفر اكتر، عندك خيارات تانية: مواصلات، مترو، ولو داير تكسي نزل يا اما (In Drive or Didi) ارخص من (Uber) زاتو وكمان فرق السما والارض في الاسعار من التكاسي في الشارع.
٣- احسن وسيلة تستخدمها وتوصلك سريع لانو الشوارع دائما زحمة هي المترو، ف شوف بال(Map) اقرب محطة ليك وين حاول استخدمو لانو رخيص وسريع (أغلى تذكرة لي ابعد محطة عاوز تمشيها بي ١٠جنيه).
٤- الصورة التحت دي لي شبكة مترو القاهرة، لمن تجي شباك التذاكر بتقول ليهو وجهتك الاخيرة (بس) وهو بوريك سعرها وبديك التذكرة.
٥- لمن تكون ماش حتة مافيها مترو، وانت زول شاب، اركب مواصلات او اطلب (In Drive or Didi) موتر، رخيص شديد وبوصلك سريع لا زحمة لا بتاع.
٦- المواصلات بتصل اي حتة هنا ولو سألت مابتوه، مرة كنت راجع من حتة بليل، التاكسي كان بي ١٤٨ جنيه، رجعت بي مواصلتين بي ١١جنيه بس، انت متخيل الفرق دا؟
٦- المواصلات بتصل اي حتة هنا ولو سألت مابتوه، مرة كنت راجع من حتة بليل، التاكسي كان بي ١٤٨ جنيه، رجعت بي مواصلتين بي ١١جنيه بس، انت متخيل الفرق دا؟
٧- افضل راوتر في البيت تستخدمو على حسب اتفاق اغلب الناس (شركة We)، زور اقرب فرع واعرف باقي التفاصيل.
٨- افضل نت وارخص في نفس الوقت، لاني مستخدمها شخصيا (شركة We برضو)، في ناس بقولو فودافون كويسة بس اغلى شوية.
٨- افضل نت وارخص في نفس الوقت، لاني مستخدمها شخصيا (شركة We برضو)، في ناس بقولو فودافون كويسة بس اغلى شوية.
٩- لمن تجي تشتري شريحة بدوك معاها عروض ف اسأل كويس لانو في عروض سمحة، مرّة كان ادوني عرض ٣ شرايح مع بعض وكل واحدة معاها ١٦٠٠ دقيقة مكالمات و٢٢ قيقا نت بي سعر حنين عديل.
١٠- الالكترونيات هنا اغلى من السعودية والامارات والسودان.
١٠- الالكترونيات هنا اغلى من السعودية والامارات والسودان.
١١- لو انت (اندرويد) وعندك اي مشكلة في تلفونك شوف اي فرع من محلات (2B) ناس ممتازين وحاجاتهم مضمونة كان صيانة او شراء.
١٢- لو انت (ايفون) وعاوز تشتري شاحن اصلي او تلفون اصلي او المهم اي شي اصلي شوف اي فرع من محلات (Tradeline) وكيل لي ابل وممتاز خالص.
١٢- لو انت (ايفون) وعاوز تشتري شاحن اصلي او تلفون اصلي او المهم اي شي اصلي شوف اي فرع من محلات (Tradeline) وكيل لي ابل وممتاز خالص.
جاري تحميل الاقتراحات...