من كذا يوم شوفت سؤال كان بيقول ؛ إزاي بتقول لشخص بحبك من غير ما تقولهاله ، كانت الاجابات في منتهى الرقة ، والجمال ؛ بس في إجابة واحدة بس اللي لقيتها بتمثلني بالمللي ، بل وبتشمل كل الاجابات اللي إتقالت ، الإجابة كانت من بنت وبتقول "لما بحب حد بستثنيه" !
يمكن الإجابة دي هي أكتر إجابة معبرة إتقالت ، انا كمان لما بحب حد بستثنيه ، بيبقى فوق القواعد ، والقوانين ، وفوق كتير من الحدود اللي بحطها بيني وبين الناس !
لما بحب حد بيبقى برا أي مقارنات ، وفوق أي حسابات !
لما بحب حد بيبقى برا أي مقارنات ، وفوق أي حسابات !
وبسنين ضوئية كتيرة جدًا بيبقي فارق عن كل البشر ، وبيبقى سبب أوحد الواحد يتغير للأحسن عشانه !
لما بنحب حد بنهدى ولو كنا اكثر ناس قلوقين في العالم ، وبنطّمن لو كنا أكثر البشر رُعبًا من الأشياء ، وبنماين وبنعدي ونفوت رغم كل العند ونشفان الدماغ !
لما بنحب حد بنهدى ولو كنا اكثر ناس قلوقين في العالم ، وبنطّمن لو كنا أكثر البشر رُعبًا من الأشياء ، وبنماين وبنعدي ونفوت رغم كل العند ونشفان الدماغ !
لما بنحب حد احنا فعلاً بنجيبله اكتر حاجة بنحبها زي ما إتقال ، وبنغنيله حتى واحنا عارفين إن صوتنا وحش ، بنرازي فيه وبننكشه ، وبنتعامل بأريحية استثنائية !
بنرغي معاه حتى لو مبنحبش الرغي ، وبناخد رأيه في كل تفصيلة حتى لو رأينا كله من دماغنا ، وبنهتم بكل تفاصيله مهما كانت مبتهمناش التفاصيل ، وبنحاول نلفت نظره حتى لو بالتجاهل !
لما بنحب حد بنتأثر غصب عننا بأفكاره ، وآراءه ، ووجهة نظره في الحياة ، وبنشركه في كل حاجة مهمة أو مش مهمة !
لما بنحب حد بنتأثر غصب عننا بأفكاره ، وآراءه ، ووجهة نظره في الحياة ، وبنشركه في كل حاجة مهمة أو مش مهمة !
وأخيرا طبعًا واحدة من أهم الحاجات اللي اتقالت ، لما بنحب حد بنحضنه ولو بعينينا !♥️
جاري تحميل الاقتراحات...