تجربتي في سفرة مصر من الخرطوم .. رحلة طويلة و مرمطة و متعبة نفسيا و جسديا بس يلا الحمد الله.. استمرت ٥ ايام.
بدات يوم الاثنين يوم ٢٧ من قندهار ، مشيت ٦ صباحا و طبعا الاسعار كل ساعة بتزيد زيادات خرافية .. انا كنت ماشة حلفا لانه اخوي كان محتاج تأشيرة .. ف ركبت ب ٢٠٠ الف بالعافية
بدات يوم الاثنين يوم ٢٧ من قندهار ، مشيت ٦ صباحا و طبعا الاسعار كل ساعة بتزيد زيادات خرافية .. انا كنت ماشة حلفا لانه اخوي كان محتاج تأشيرة .. ف ركبت ب ٢٠٠ الف بالعافية
اتحركت الساعة ١ ظهرا و وصلت اليوم التاني الساعة ٨ صباحا .. الباص مريح و بارد نوعا ما .. وقفنا ٣ مرات في استراحات و للصلاة .. لكن مافي موية في الشارع ولا اكل .. ف شيلو معاكم موية و اكل قد ما تقدروا
لمن وصلنا حلفا طوالي بدينا إجراءات التاشيرة اللي هو بيدو شاب واحد من العيلة ( الشاب بشيل جوازه و يرفقه مع بتاع امه و اخوانه مع الرقم الوطني و كرت الحمى الصفراء و بتطلعها هناك ب ٦٠٠٠ لو ما عندك.. في لجنة في الموقف بتاخذ منك الورق و بتقول ليك تراجعها اليوم التاني
طبعا حلفا بقت زحمة شديد و مافي فنادق لمن الناس بتنام في الشارع بس احنا توفقنا بمعارف لقينا بيت و بتنا فيه .. التاشيرة طلعت لينا يوم ٢٩ الظهر .. بس كان صعب نمشي اسوان لانه صعب جدا تلقى حجز + المعبر السوداني بقفل الساعة ٤
اضطرينا نبيت ليوم تاني و اتحركنا يوم الخميس للمعبر و طبعا هنا بدأ اصعب و ارهق جزء .. طلعنا ٨ من البيت للمعبر مسافة ٢٠ كم
المعبر السوادنب بدأ شغله الساعة ١١ و خلو بالكم بوقفوا ٤! (على موضوع التاشيرة في ناس بتاخد ليهم ايام و في ناس بتطلع ليهم سريع) ف انت و حظك .. و لو شاب براك من غير عائلة ف هنا موضوعك طويييييييل الله يعينك
طبعا انت مفروض تحجز قبل يوم لاسوان او تمشي المعبر الصباح بدري تكابس او تحنس سواقين الباص .. بيكون في صف عربات خاصة و صف باصات .. لمن يجي دور باصك .. بتنزل و تمشي للجوازات بتعبي استمارة ب ٢٠٠ جنيه و بختموا على جوازك (ختم الخروج) و بكدا انت طلعت من السوداني
اجرائات المعبر السوداني سريعة و ممكن تاخد اقل من ساعة! بعدين بتخش المعبر المحايد (البين السودان و مصر) .. هنا بتبدأ المعطة .. بتنزل انت و كل عفشك في الباص و شنطك و العساكر المصريين بفتشوها قطعة قطعة بعداك تاني برفعوها الباص ..
و نسيت انبهكم في المعبر السوداني بتدفعوا 1500 جنيه للمراة او الطفل.. و الشباب 3500 جنيه سوداني.. و انبهكم تحولوا قروش مصرية بما يعادل ١٤٠ جنيه مصري لرسوم المعبر المصري !
في المعبر بحولوها لك ب٣٠ !
لكن لمن تصل اسوان بتتحول ب ١٦!
تخيلوا فرق السعر؟ فا بس حولوا القروش المحتجينها
في المعبر بحولوها لك ب٣٠ !
لكن لمن تصل اسوان بتتحول ب ١٦!
تخيلوا فرق السعر؟ فا بس حولوا القروش المحتجينها
المهم بعد ينزلوكم انت و عفشك و يفتشوك .. بتتطلع تاني الباص و بتمشي شوية و تاني هنا بنزلوك عشان تقطع ايصالك و تدفع مبلغ ١٤٠ جنيه مصري للفرد .. لمن وصلنا الحزء دا كانت الساعة ١٢ ظهرا و خلصنا الساعة ٨ مساء! مكن كتر الزحمة و عشوائية الناس .. بعداك دخلنا المعبر المصري
تاني لمن تدخل المعبر المصري .. بتنزل انت و عفشك و شنطك لكن المرة دي في scanner للشنط و ليك .. بتمر منها و تترفع شنطك في الباص .. و بتمشي الجوازات عشان يختموا لك (الدخول) .. فا بس بتقيف في صف لمن يختموه لك
بعد يتختم خلاص انت كدا اخيؤا دخلت للارض المصرية .. انا وصلت ٨ مساء و استلمت جوازي ١٠ بالليل .. و طبعا من هناك بتناا في الشارع لحد ٥ صباحا و ركبنا الباص .. و اتحركنا على العبارة .. بسبب الزحمة و كترة الناس وصلنا ٧صباحا العبارة
و ما احكي ليكم سوء حمامات المعبر المصري 😭 و في كافتريا بس على قد الحال و الموية و مشروبات سخنة و في ستات شاي
بعداك ركبنا العبارة و دا احلى جزء و تقريبا كانت مسافة بي ٤٥ دقيقة ل ساعة..
بعداك وصلنا و نزلنا نفطر كانت الساعة ٨ و تاني اتحركنا ١١ صباحا لاسوان
بعداك وصلنا و نزلنا نفطر كانت الساعة ٨ و تاني اتحركنا ١١ صباحا لاسوان
من هنا لاسوان ٤ ساعات .. فا بس مشينا لحد موقف كركر و كانت الساعة ٥ مساء و هنا الناس لو دايرة تنزل و تركب باصات للقاهرة .. الناس قعدت تشتبك و كلام فاضي و بسب الشيء دا وصلنا اسوان الساعة ٨ مساء 😭
اذا عندكم اي أسئلة بخصوص اي شيء رسلوا لي
اذا عندكم اي أسئلة بخصوص اي شيء رسلوا لي
يوم ٢٤ ابريل معليش**
طشيت ايام زاتو 😭😭😭
طشيت ايام زاتو 😭😭😭
وصلت اسوان يوم الجمعة ٢٨ .. قعدت يومين و بعدين مشيت القاهرة بالقطار .. فيها كم class ..
انا ركبت الروسي مكيف لكن اختوووه .. اركبوا يا الاسباني يا vip .. و احجزوا من بدري .. انا كنت مستعجلة عشان كدا ركبت الروسي .. لاباس به بس متعب و بمشي بطيئ و وصلت القاهرة بعد ١٤ ساعة
انا ركبت الروسي مكيف لكن اختوووه .. اركبوا يا الاسباني يا vip .. و احجزوا من بدري .. انا كنت مستعجلة عشان كدا ركبت الروسي .. لاباس به بس متعب و بمشي بطيئ و وصلت القاهرة بعد ١٤ ساعة
التذاكر برضو رخيصة .. الروسي دا ب ١٥٠ جنيه مصري .. الاسباني ب ١٧٥ و الvip ٢٢٠ جنيه مصري.
و لو خلصت التذاكر ممكن تشتري الvip ب ١٨٠٠ جنيه مصري .. فا بس الحق و احجز بدري!
و لو خلصت التذاكر ممكن تشتري الvip ب ١٨٠٠ جنيه مصري .. فا بس الحق و احجز بدري!
فيديو توثيق لسفري كله لو حابين! vm.tiktok.com
جاري تحميل الاقتراحات...