رتبها

#حوجة_سودانيين_في_مصر
شباب انا قاعد في مصر لي حوالي تلاته سنين طالب ومأجر شقه فاضيه وعايز اديكم شويه نصائح عشان لو لا قدر الله الموضوع دا طول او انتو ناويين تقعدو مده طويله
انا سكنت في تلاته شقق مختلفه واتعاملت مع دشليون سمسار ومالك شقه ودا الطلعت بيه :

لو عايز شقه فالقاهره حاول فتش براك وما تتعامل مع سمسار سوداني ولا الناس البقولو عن نفسهم شركات عقارات الشركات دي عباره عن شويه شباب لا خلقه لا اخلاق بيكونو في سودانيين ممسكينهم مفاتيح شققهم ومامنينهم عليها بيأجروها للناس وعليهم هم يقيفو على خدمتك ولو حصلت اي مشاكل فالسكن بتتواصل

معاهم وطبعا حيكلفتوك ويسكنوك بأسعار فلكيه ..وسيد الشقه الحقيقي بالكتير حتتكلم معاه مره بالتلفون وغالبا م حتشوفو
الكلام دا الا من رحم ربي طبعا بيكون في اولاد حلال مرات ماسكين شقق ناس اولاد حلال .
عموما حاول تقلل تعاملك مع السودانيين القاعدين هنا ليهم فتره طويله بقدر الإمكان

ولو عايز سماسره كويسين من غير ما تفتش فالنت شوف اصحابك وزمايلك البقرو هنا في مصر دايما بتكون عندهم ارقام سماسره جابو ليهم الشقق الهم ساكنين فيها
اول ما تصل طبعا حتقعد في اي حاجه تمشي بيها امورك يا نزلت عن اهلك يا شقه قريبك المغترب فاضيه نزلت فيها وكدا

مبدئيا في تطبيق مصر كلها بتستخدمه بيعرضو فيه اي شي للبيع اسمه olex حتلقى فيه قسم ايجار شقق وغيره في قروبات فيسبوك كتيره سديد انت اكتب شقق ايجار + اسم المنطقه الحتسكن فيها وحتظهر ليك قوربات وصفحات كميه غير المواقع البتلقاها لو عملت سيرش بقوقل

الايجار عنده كم نوع في حاجه اسمها ايجار قانون قديم دا ما تبعك دا حق المواطن المصري فالاغلب وبكون مدد طويله شديد
ايجار قانون جديد دا شقه ما مفروشه بس مطبخ وكهربا ومويه موصلين ومرات خط ارضي وانت عليك باقي الحاجات ودا غالبا عقد ايجارو بيكون لمده سنه او سنتين
وفي ايجار مفروش

اسعار الايجار بتختلف على حسب المنطقه وعلى حسب العقد لو انت حتحاسب باليوم دا اغلى شي او عايز بالشهر وما عايز تلتزم فأي شهر تطلع وخلاص تخليها مفتوحه دا لو الشقه فوق ١٠٠-١٥٠ متر واوضتين او تلاته وحمامين ومكان متوسط لا هو سكن شعبي لا هو مكان درعه زي الرحاب ولا مدينتي

بيبقى في حدود ٤٠٠ ٥٥٠ دولار ضربها بالمصري وقارن هم طالبين كم وخت في بالك حاجات زي قربك من المترو وحاله الشارع الفيه الشقه وحاله ونضافه الشقه زاتها.
لو حتعمل عقد مدد طويله سنه او مضاعفاتها هنا انت بتطلع بأنسب اسعار رينج من ١٠ لحد ٣٠ الف جنيه على حسب مكان وحجم الشقه

في تكاليف اضافيه زي التأمين ودا بيكون مبلغ شهر او شهرين ايجار على حسب جوده الحاجات فالشقه وتسترده بعد انتهاء المده
وانك تدفع شهر او شهرين مقدم من الايجار على حسب طلب صاحب الملك
بالنسبه للسماسره لو اتعاملت معاهم بياخدو قروش "معاينه" عشان يطلع معاك يفرجك على الشقه

على الطبيعه بتكون حدود ٥٠ - ٧٠ جنيه ودي حركه اتعلموها جديد لو انت مفتح اتفق معاه على يوم تنزلو تتفرجو على كم خيار من الحاجات الموجوده عنده واديه اخر اليوم ١٠٠ ١٥٠ جنيه بالتراضي بينكم كدا
لو بقيت على شقه من سمسار لونا مفروشه بطلب منك قروش ايجار شهر او لو باااالغ شهر ونص

قروش سمسره
لو حتاجر مفروش على حسب تعبو معاك لكن اصلو م منطقيه تديه اكتر من ١٥ الف نهائي بأي حال من الاحوال
اتعامل مع السماسره المصريين احسن من السودانيين واليمانيين ودايما خت اولويتك الشقق المن المالك مباشره لانو حتريحك من صداع كتير

If I remember anything i will add it to the thread, and guys feel free to add anything from your experience.
Dm me if u have any questions
Retweet pls to help those in need

حاليا دا ما موسم الإيجارات لا احنا قريبين من بدايه السنه الدراسيه عشان يكون في طلبه جايين ولا احنا في اخر السنه او موسم اجازات وجيه سياح فشنو الايجارات حسي رخيصه نسبيا لانو في ركود فالسوق فما تخلي زول يستغل ظروفنا ويشطح ليك فالسعر ضربو بالدولار اول وشوفو منطقي ولا لا

في حاجه مهمه شديد بالنسبه للناس الحابه تقعد هنا سنه او زياده
التأشيره بتاعتك حدها ٦ شهور بعد كدا حتمشي قسم الجيزه او العباسيه تجددها
عشان تجددها وانت ما عندك ابن او ابنه بيقرو فالجامعات هنا حتحتاج عقد الايجار بتاعك يكون موثق من الشهر العقاري لان بيطلبوه في إجراءات عمل الاقامه

الاقامه دي مهمه في حاجات كتيره شديد مثلا لو حتتعامل مع بنوك تفتح حسابات ولا تستلم حوالات من بره ما بتعاملو معاك من غير بطاقه اقامه
وطبعا ٩٠٪ من الشقق البجيبوها ليك السماسره مُلاكها ما عندهم ليك التكتح وما حيمشو معاك الشهر العقاري من ٦ صباحا يقفو فالطابور عشان يوثقو معاك

وفالتوثيق لازم وجود مالك الشقه او يوكل زول عن طريق محامي وورق رسمي ودي جرجره ما بستحملوها ليك الا اولاد الحلال فإهتم شديد جدا بإنك تلقى شقه من المالك مباشره او المالك يديك كلمتو انو ما عندو مشكله يوثق معاك في اي وقت

@rootsofnull ختيت الماكس ٣٠ الف عشان حتت زي ميدان المساحه والاحياء الحولين السفاره السودانيه فالدقي وهي اول حته انا كزول جاي من بره ممكن افكر فيها دي اسعارها كدا وعلى العكس لو لقيت حاجه محترمه بال ٣٠ زاتو تكون لقطه
وفالاول والاخر الاسعار متفاوته لو عندك ١٠ بتاجر بيها لو عندك ٨٠ الف بتاجر بيها

في طرق لتخطي موضوع الاقامه دا فالتعامل مع البنوك
انا ماعندي خبره مع الويسترن يونين هنا بس بيقولو ما ضروري بالاقامات
مشكلتو فروعو اغلبها زباله وعادي تستلم منهم دولار ما تعرف تفكو فالصارفه لانو مقطوع ولا قديم ولا غيرو ودي حصلت معاي انا مره شخصيا وتاني ما حصل تعاملت معاهم

الطريقه التانيه والافضل بنوك زي بنك مصر وبنك القاهره لو حتستلم حواله او مونيقرام من زول محولها ليك من الخليج ولا كدا خليه يرسلها على عنوان واقامه زول هنا اهلكم او اصحابكم البقرو فالجامعات عادي خالص انا استلمت لكتير جدا من اهلي واصحابيل

لازم لما تمشي البنك عشان تستلم يكون هو معاك وهو الحيقف فالطابور ويوقع على الورق اجرائات واستمارات روتينيه خالص بملاها زي توقيعو ورقم تلفونو وطبيعه علاقتو مع الزول المرسل ليهو القروش وهي مرسله ليه اكتب للإعاشه مثلا او اي شي ما بتمسكو

ممكن تستلمها بالعمله الهي مرسله ليك بيها او تستلمها جنيه مصري لو مبلغ صغير احسن فكو جنيه مصري ما حتفرق شديد من سعر السوق الاىسود لو مبلغ كبير استلمو عمله اجنبيه لانو الظروف ما معروفه وفي مشاكل حاليا بتاعت تعوميم جنيه وحاجات زي دي الدولار قبل شهرين تلاته كان

بي ١٥ و ١٨ اسي بي كم وتلتين وفي اخبار انو ممكن يزيد قريب
بس احرص احرص احرص على انك تفك القروش دي في صرافه او زول ثقه شديد لانو الزول الاستلم ليك القروش بي اقامتو دا سلامتو في رقبتك وهنا مافي هظار فالامن ما تستهون بالموضوع خالص

في حاجه انا عارف ما كل الناس بتقدر عليها لكن بالنسبه للإيجارات انت ممكن تاخد شقه ايجار جديد او على البلاط بتقع معاك الشهر ب ٥ - ٦ الف بالكتير شقه تلاته غرف وتفرشها من اقرب محل توحيد ونور من مكان الشقه تدخل تلقط الbasics سخان سراير مراتب مروحه مروحتين تلاجه وغساله

الحاجات دي كلها +الحاجات الصغيره زي العده وكم درج وطرابيز البتطبق دي وكراسي بلاستيك كلها ما بتعمل معاك ٥٠ الف جنيه مصري وهو حق ايجار ٣ شهور
لو عندك نيه تقعد فتره طويله دا احسن خيار
ديل احنا الطلبه ساكنين كدا وخاتين البيزكس بس فالشقه والحمدلله حالنا ماشي

خلصت قعدتك عفشك دا ممكن تشحنو السودان او تبيعو في اوليكس
اسوء الاحوال اديه لاخوانك وزمايلك الطلاب في الاف الطلاب بيأجرو شقق على البلاط وكل شي صغير بيفرق معاه شوف قروبات الطلبه في كل جامعه قوليهم عندي كدا وانا ما حتاجه و ساكن فالمكان الفلاني العايز يجي يشيلو

@rootsofnull ما مجادله كل واحد عندو وجهه نظر يقولها فللاخر عامل الثريد ووصل لناس كتيره عشان العندو معلومه يفيد بيها الناس يقولها

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد