30 فنكوش ف رمضان
الفنكوش الرابع
"أنا عندي مقاومة انسولين مينفعش اكل فاكهة"
نفسي اعرف بتجيبوا الثقة ف الكلام ده منين
طيب يا سيدي الأدلة الحالية من الدراسات كلها بتكلم على أن الأنماط الغذائية الغنية بالفواكه والخضروات قد تكون مرتبطة بتقليل مقاومة الأنسولين

واصلا في علاقة عكسية بين تناول الفاكهة والخضروات وخطر الإصابة بأمراض القلب والأوعية الدموية ومرض السكر من النوع2
"بس الفاكهة كلها سكر وبتعلي الأنسولين"
انت تاني😁😁😁
طيب الفاكهة عبارة عن سكر لكن مينفعش نغفل دور الألياف اللي بتقلل امتصاص السكر وبتمنع الارتفاعات الحادة

معظم الفاكهة مؤشرها الجلايسيمي منخفض-متوسط(الا العاق البطيخ🤣)
الألياف ليها دور مهم ف الgut microbiome والتنوع البكتيري ف الأمعاء اللي بدوره بيحسن حساسية الأنسولين ويقلل الالتهابات
الفاكهة غنية بمضادات الأكسدة وفي دراسات بتكلم على عن دور مضادات الأكسدة في تحسين حساسية الأنسولين

ولو في دراسات بتكلم على أن اللو كارب دايتس نتائجها اول 6 شهور احسن في ضبط حساسية الأنسولين
ف اللو كارب دايت يعني نشويات 26-46% من الكالوريز بتاعتك
يعني لو كالوريز حضرتك 1500ف اليوم ممكن تاخد بين 110-150جم نشويات ده يمثل من (30-40%)
ثمرة الفاكهة فيها 15-20جم نشويات

دخلوا الفاكهة جوا نظامكم المتوازن يا جماعة ممكن تأكلوا ثمرتين أو تلاتة بأمان تام دي حتساعدكم تحسنوا حساسية الأنسولين
الكلام ده لا ينطبق على عصير الفاكهة حتى الطبيعي
#يوميات_طبيية_تغذية