#ثريد طويل عن الحياة في دبي، الهدف مش انك تشوف الحياة هنا حلوة و لا لا، كل حاجة في الدنيا نسبية الحلاوة و الكمال في الجنة ان شاء الله 😃..نبدأ و خلي بالكم طويل و انتم بتقرؤوا
١
١
الحياة في المطلق في دبي مريحة من وجهة نظر الحصول على الخدمات بكافة انواعها طبعاً كل حاجة بثمنها البلد في المجمل مش رخيصة. و تقدروا تبصوا على المواقع الي بتوري تكلفة الحياة في المدن لمعلومات اكثر عن الموضوع ده لو عايزين تفاصيل.
٢
٢
الخدمات المتاحة الي اقصدها هي توفر كل سلعة ممكن تخطر على بالك، كل خدمة حكومية و غير حكومية الحصول على السلع و الخدمات بشكل عام سهل، متاح الكترونياً في الغالب، و مواكب بالذات في السلع مع كل الي موجود في امريكا و اوروبا و الحقيقة افضل
٣
٣
اهم حاجة من وجهة نظري في دبي هو مبدأ سيادة القانون في كل حاجة انت محتاجها من اول العمَل، تأسيس الشركات، المخالفات، التراخيص، الحوادث. الموضوع واضح بيتم تطبيقه بحسم ،لحد كبير ناجز جداً. خليني هنا افكرك ان بالتأكيد في قصص كثير ممكن تلاقيها فيها حد اتظلم ده وارد زي اي مكان
٤
٤
من صعوبات الحياة في دبي الجو، من شهر نوفمبر لمنتصف مايو تقريباً الجو رائع الانشطة الخارجية ممكنة. غير كده صعب جداً، كل حاجة محتاجة تتعمل في مكان مكيف لازم تكون قادر تتأقلم مع ده. ولكن في ال٦ شهور من الجو الحلو دبي مش مول بس و لكن اشياء كثيرة اخرى زي مثلاً
٥
٥
الطبيعة الصحرواية في الامارات عامةً رائعة لاي بيحب النشاطات دي، عايز تتعلم اي حاجة و تمارسها من اول الرياضة الي بيتم تنظيم عدد خرافي من المسابقات في كافة الرياضات و ممكن تنضم وتشترك و حقيقي بتكلم عن كل الانواع تقريباً. جري، عجَل، سباحة، خيل، موتوسيكلات، غطس، تنس ، و غيره
٦
٦
الخلاصة في النقطة دي لو نفسك تمارس اي هواية او رياضة هتلاقيها موجودة. تاني ارجع افكرك كل حاجة ليها ثمن، ممارسة الرياضة هتكلفك فلوس مش هتقدر تحصل عليها باسعار رخيصة. ده غير طبعاً الحاجات الفنية لو عايز تتعلم رقص،رسم،نحت و غيره كله متاح. فكرة ان كل حاجة متاحة دي في حد ذاتها مهمة
٧
٧
ولادك و بناتك هيتربوا في مجتمع مختلف عن اوروبا و امريكا. المجتمع هنا منضبط لحد كبير، مشاكل الي بيتعرض لها الشباب في سن المراهقة اقل بكثير من اماكن كثير في الدنيا، العيب في الموضوع ده ان العيال بتطلع فاهمة ان الدنيا كلها كده و ناقصهم تجارب حياتية كثيرة.
٧
٧
في المجمل انا قضيت هنا اكثر من نصف عمري..هنا في دبي هو البيت و السَكن الي بحس بيه بالطمأنينة!
جاري تحميل الاقتراحات...