الليلة حصل لي موقف، على قدر ما هو بسيط على قدر ما فهمني انو الدنيا دوارة بي طريقة مخيفة.
طلعت الصباح الجامعة زي كل يوم، طبعا مستعجل عشان الحق ملحة من امدرمان لي بحري و من هناك اركب مواصلات للخرطوم و ركبت الملحة و نزلت الكبري و طبعا استاذ مقداد حظو جميل جدا.
طلعت الصباح الجامعة زي كل يوم، طبعا مستعجل عشان الحق ملحة من امدرمان لي بحري و من هناك اركب مواصلات للخرطوم و ركبت الملحة و نزلت الكبري و طبعا استاذ مقداد حظو جميل جدا.
اول ما نزلت من الملحة لقيت مواصلات واقفة مستنياني، يعني حرفيا ما وقفت ولا ثانية زيادة، ياااخ متعاااااا.
ركبت المواصلات يا صحبي و ختيت السماعات، قبل ما افتح الغنية، الكمساري طقطق، فدخلت يدي في جيبي عشان اطلع القروش.
ركبت المواصلات يا صحبي و ختيت السماعات، قبل ما افتح الغنية، الكمساري طقطق، فدخلت يدي في جيبي عشان اطلع القروش.
هنا كانت المفاجاة الكبرى شكلو مع الاستعجال نسيت انو اجيب كاش فتحت الشنطة قلت احتمال القى حاجة، خخخخ اتذكرت اني فضيت الشنطة امبارح، استاذ حظ قال ههههه.
المهم قلت للكمساري ثواني، شكلو مع اللبشة الكنت فيها و تفتيشي للشنطة ، الزول العلى يميني انتبه، اخد ليهو صنة كدا مسااااافة
المهم قلت للكمساري ثواني، شكلو مع اللبشة الكنت فيها و تفتيشي للشنطة ، الزول العلى يميني انتبه، اخد ليهو صنة كدا مسااااافة
و بعدها لقيتو مد لي يدو بالجااااابس تحت تحت كدا، مد لي 200 حقت المواصلات، قلت ليهو لالا عندي، قال لي يا زول اسمعني هاك، المهم ابيت اشيلها منو والله، ما متعود زول يساعدني في شي.
المهم انتظرت لحدي ما وصلنا الموقف و قلت لي بتاع الحافلة اصبر ثواني لحدي ما اطلع كاش، نزلت عشان اتصرف، قبل ما انزل زي الناس زاتو، لقيتو جرى و عفص بنزين طاااااااط
يلا دا كلو بالصباح و انا جاي، يلا ياهو خلصت يومي وجيت راجع، المهم و انا راجع بالمواصلات لاحظت الزول البي شمالي اللي يعني اني قاعد يمينو لو متذكرين قبيل داك كان قاعد وين الصباح، يميني برضو، المهم كان زي بتململ كدا و بفرفر، طبعا ما فهمت مالو الا لمن نزلنا
اول ما نزلنا، ادى بتاع الحافلة قروش ناقصة، قام بتاع الحافلة زي جاط فيهو كدا، و قال ليهو يا زول تم الشغل دا، اتخيلو رد ليهو قال شنو؟ اي حرفيا، قال ليهو :"والله يا حاج ما عندي كاش" .
ياخ انا اتخلعت عديل كدا، يعني نفسي السيناريو اتعاد لي بس بي منظور تاني و قبل ما افكر زي الناس لقيت روحي تميتها ليهو و مشيت طوالي.
اي عارف طولت عليكم شديد في قصة ممكن تكون اقرب لي انها عادية من انها حاجة مهمة، لكن بالنسبة لي الحاجة دي اثبتت لي جد جد انو الدنيا دوارة، يوم حا يكون عندك، يوم حا يكون ما عندك، و الطريقة الحا تتصرف بيها حا تجيك راجعة عاجلا ام اجلا.
خلاصة القصة :
اعمل الحاجة الداير تعملها، مهما كانت صاح او غلط بس اتذكر انو الشغلة دي حا تلف و تجيك راجعة.
اعمل الحاجة الداير تعملها، مهما كانت صاح او غلط بس اتذكر انو الشغلة دي حا تلف و تجيك راجعة.
جاري تحميل الاقتراحات...