وحده ترسل طريقة عجينة البيتزا لاختها
شوفوا طريقتها ،،،👇😉😩😄
اسمعي - خذي طحين في كاس البوك او اي كاس ثانيه -
اخاف عايض مايشتري لكم جبنة البوك عشانها غاليه -
لكن خذي من كاسات اخوي محمد -تذكرينهم ! اللي اشتراها لك يوم سكنتي بيتك وزعلت مرته يوم تقول ليش ماشريت لي نفسها -!!!!!!!

المهم ..... بعدين حطي خميره من اللي فيها صورة واحد فوق راسه كبوس -
وحطي كف ايدك سكر - وبين اصبعين ملح لاتكثرين -
وزيت في الفناجيل اللي اشتراها لك ابوي يوم عرسك -
هذا اذا ماكسروها عيالك الشياطين اللي ماربيتيهم - وقتك كله على الايفون والا التلفزيون -

وحطي شوية حليب - مو تحطين حليب عيالك - وحطيها كلها في طاسه - نفس طاسة خالتي شيخه عرفتيها اللي تهاوشوا عليها حمولتها صبح العيد كلاً يقول هي لي
وتوهقت فيها وقالت خذيها فكيني من الحريم .
واعجني عجينتك زين وحطي عليها من فنايل حموود ولدك النظيفه - مادري شفت

في قناة طبخ يسوون كذا - اذا ماعندك نظيفه لاتسوينها -اعرف خدامتك مامن نظافه -
وبعدين اذا تخمرت بتنتفخ - افرديها وحطي عليها خلطة الطماط وجبنه مثل جبنة ام ناصر اللي حطتها على المعكرونه يوم خطوبة بنتها على نواف اللي خطفوه من ام عياله مسكينه وهي ما تدري -
وبس خلاص بعدين دخليها الفرن "

طلعت فضايح الجماعه كلها عشان. البيتزا بس 😂😂😋لا عادها الله
🫣