الصحة
تجربة شخصية
نمط الحياة
الأخبار المحلية
الغذاء والتغذية
إدارة المطاعم
سلامة الغذاء
قضايا صحية
الرؤى الثقافية
(((رسالة مرعبة من مصر)))) تحذير …. نصيحة لوجه الله يا جماعة بعد اللي شفناه وسمعناه الأيام دي نتيجة أننا خضنا تجربة فتح مطعم وحاليا ولله الحمد على كل حال بنصفي وهنقفل بسبب الظروف اللي البلد بتمر بها والحمد لله على أقداره اللي كلها خير (يتبع)
عاوزه أقول لكم إننا لو مكناش بنخاف قبل كده من الأكل من الشارع...وهو حرفيا من الشارع لأن نوعية المكان أو المطعم أو الأكل مش هتفرق... فإحنا لااااازم نخاف دلوقت على نفسنا وأولادنا وأهالينا..(يتبع)
اللي شفناه من موردين حاولوا يوردوا لنا مواد غذائية بفارق رهيب في الأسعار عن اللي بنجيبه يخلينا نقلق ونخاف جدا ناكل بره إلا إذا كان المكان بتاعنا أو بتاع حد ثقة من أهلنا...(يتبع)
حاليا زوجي بيحاول يبيع حاجات ماشتغلوش بها علشان بيصفي زي الزيت والطحينة والمخلل وغيرهم لمطاعم تانيه معروفه ومش معروفه ومحدش بياخدهم بسبب أن سعرهم غالي وهما بيشتغلوا بأنواع بنص التمن حرفيا وبيلوموه على استعماله للأصناف الغالية دي.. لأنهم الزيت المعاد تكريره بيشتغلوا به..(يتبع)
الطحينة المخلوطه بيشتغلوا بها.. والبهارات والتوابل المغشوشة بيشتغلوا بها.. وغيرهم
ده غير المطاعم اللي بتشتغل برجر وكفته وفرايد تشيكن وبيتزا وكريب وكبده وحواوشي وكل الحاجات دي بتبقى بلااااوي ومجهولة الهوية وبيجيبوها جاهزة ومجمدة بكميات ولا يعرفوا عنها حاجه (يتبع)
ده غير المطاعم اللي بتشتغل برجر وكفته وفرايد تشيكن وبيتزا وكريب وكبده وحواوشي وكل الحاجات دي بتبقى بلااااوي ومجهولة الهوية وبيجيبوها جاهزة ومجمدة بكميات ولا يعرفوا عنها حاجه (يتبع)
المهم أنها رخيصه وبتحقق لهم هامش ربح كبير
الزيت المستعمل كنا بنبيعه لشركة كويسه عارفين هي بتاخده تعمل به ايه.. المندوب وهو بياخد مننا الزيت كان في ذهول وقال لزوجي انت كده بتبيعه جديد ده احنا بنجمع من المطاعم التانية (قال لفظ مش هاقدر أكتبه) ومنهم مطاعم مشهورة (يتبع)
الزيت المستعمل كنا بنبيعه لشركة كويسه عارفين هي بتاخده تعمل به ايه.. المندوب وهو بياخد مننا الزيت كان في ذهول وقال لزوجي انت كده بتبيعه جديد ده احنا بنجمع من المطاعم التانية (قال لفظ مش هاقدر أكتبه) ومنهم مطاعم مشهورة (يتبع)
وقال لزوجي طريقة تخليه يستخدم الزيت كتير ويعيش معاه كتير لكن احنا الحمد لله مكناش بنقبل على الناس غير اللي نقبله على نفسنا..
الأمراض والسرطانات مش بتيجي من فراغ يا جماعه والله العظيم للكبار والصغيرين
أحنا مش من الناس اللي كنا بنحب الأكل بره البيت (يتبع)
الأمراض والسرطانات مش بتيجي من فراغ يا جماعه والله العظيم للكبار والصغيرين
أحنا مش من الناس اللي كنا بنحب الأكل بره البيت (يتبع)
وكان بيبقى نادر كتغيير وأغلب اختيارنا للأكل بره كان بيبقى سي فود علشان كده اشتغلنا فيه بردو لكن حتى ده اكتشفنا ان الموردين عندهم مثلا أسماك مخلية محرمة دوليا وباختصار زبالة صيد شرق آسيا بتيجي غير الأسماك والجمبري وكل السي فود المجمد اللي الحمد لله مكناش بنشتغل فيه (يتبع)
حاليا بقى عندنا رعب ورفض تام ونفسنا كلنا اتسدت من الأكل بره البيت ولو حتى فول وطعمية أو بطاطس
مع الوضع اللي في البلد وزيادة أسعار الخامات بشكل رهيب كله هينزل جامد جدا عن قبل كده كمان بمستوى خاماته علشان يقدر يكسب ويصرف (يتبع)
مع الوضع اللي في البلد وزيادة أسعار الخامات بشكل رهيب كله هينزل جامد جدا عن قبل كده كمان بمستوى خاماته علشان يقدر يكسب ويصرف (يتبع)
فبالله عليكم أرجوكم جه الوقت اللي نخاف فيه بجد على أنفسنا واللي حوالينا.. حذروا أهاليكم وعلموا أولادكم وبناتكم ان أكل البيت مهما كان هو أنظف وأضمن شيء لهم ولازم يكون عندهم القناعة دي طول حياتهم وإن محدش هيخاف عليهم ولا هيتقي الله فيهم إذا ماحافظوش هما وخافوا هما على نفسهم (يتبع)
حتى الحاجات المعلبة من شيبس وبسكوتات وسناكس وغيرها هتبقى أسوأ وأسوأ مع الوقت
ربنا يعافينا جميعا من كل سوء ويحفظنا من كل شر
دعواتكم بتيسير الخير لنا ولكم بالمثل وزيادة إن شاء الله ❤ (انتهى)
ربنا يعافينا جميعا من كل سوء ويحفظنا من كل شر
دعواتكم بتيسير الخير لنا ولكم بالمثل وزيادة إن شاء الله ❤ (انتهى)
جاري تحميل الاقتراحات...