واحد بسيط عنده موبايل بزراير ، جاره سلفه الأيفون بتاعه طول مده سفره و قاله حلالك استخدمه على طول ♥️
و الراجل كان مبسوط بيه جدا بعد فترة طويلة جاره طلب منه يرجعله موبايله تاني ، فا صاحبنا ادايق جدا و بقى متسخط و حس إنه بقى ملكه خلاص و ازاي صاحب الموبايل يطالب بيه تاني !

صاحبنا ده كل واحد فينا ، آه والله ..
عايشين في " وهم " تملك النعم ، فاكرين إن صحتنا و ازواجنا و أولادنا و أموالنا و أهلنا دول ممتلكاتنا و اننا كمان نستحقها ، لو ربنا أراد إنه ياخدها منا و يسترد نعمته نتسخط و نتهم الله - حاشاه - بالظلم !

رغم اننا عشنا سنين في النعم دي ، و شكرنا كان قليل ، فضلا إننا كمان ممكن استخدمناها في معصيته و قعدنا سنين ربنا ما غيرهاش علينا رغم قلة حياءنا ده ") .
ده غير كمان ان أي فقد او نقص فيهم هو بلاء ، يعني ربنا مش بياخد حبا للشر لعبده او حبا للوجع لعبده - حاشاه -

بل اي تعب مقابله رحمة و مغفرة و رفعة في الدرجات ..
و المسلم الحق قلبه متعلق بالآخرة و أي حاجة تعمر آخرته مش تعمر دنياه .
عشان كده اللي بيبغضه ربنا ( و هو يستحق هذا البغض بجبروته و طغيانه ) مش بيبتليه ، بيزيده نعم عشان هو لا يريد أن يرحمه بالابتلاء سبحان الله .

يزيده لحد ما ياخده بغته ..
افتكر دايما إنك لله ، كل النعم هي من المنعم مش بتاعتك و لا بشطارتك و لا تستحقها .
فالحمد لله على ما أعطى و الحمد لله على ما أخذ و كل شيء عنده بمقدار و حكمة ♥️.
منقول