التكنولوجيا
القيادة
تطوير الحياة المهنية
إدارة
الموارد البشرية
مقابلة
المقابلة الوظيفية
بيئة العمل
تقنيات المقابلة
ديناميات مكان العمل
كنت باعمل إنترڤيو من فترة وكان قاعد معايا ٢، مدير لسه بيبتدي والتاني مديره .. الشاب الأول كان متحمس وواضح انه بيحاول يثبت حاجة لمديره انا مش عارفها .. الإنترڤيو ابتدى بشوية أسئلة غريبة ومش مناسبة للدور بتاعي، بعدها الشاب سألني "تعمل ايه لو ٢ من التيم بتاعك شتموا بعض في ميتينج؟"..
هو ده سؤال تقليدي لأي people manager بس طول عمره كان هتعمل ايه لو حصل اختلاف في الرأي، نقاش حاد، عصبية، أول مرة حد يقولي شتيمة 😀 .. قولتله ليه ممكن الموضوع يوصل لكده؟ هل فيه مشاكل قبل كده؟ حد اشتكى من التاني؟ مين عملهم hiring؟.. حاولت أفهم اكتر بس الشاب المتحمس ماعجبهوش اني بسأل
قاللي "محتاجين نجاوب على السؤال" وعلى وشه ملامح فخر كأنه زنقني بسؤال صعب .. قولتله فيما معناه انه مش منطقي ده يحصل لو انت كنت واخد بالك من كل واحد في التيم وبتتكلم معاهم على طول وبتعمل health checks او 360 reviews، ولو وصلنا لمشكلة بالحجم ده يبقى لازم الـHR يفتح case، قاللي "صح"
الحقيقة انا أُستفزيت شوية من طريقته بس كنت هادي وقررت أسوق انا .. قولتله متخيل انت هتقول للـHR ايه في الـcase؟ قاللي عادي هاقول اللي حصل .. قولتله ده مش المطلوب من دورك خالص بالعكس انت هيتطلب منك تفاصيل كتير وتاريخ كل واحد بما انك مديرهم وليه ماخدتش بالك من بدري وممكن تطلع مقصّر
الـHR لو شايف شغله صح هيبتدي يسألك نفس اسئلتي في الأول، بحيث يعرف هل أنت مهتم بالتيم وعارف المشاكل اللي يحتمل تحصل ولا لأ، وهيطلبوا منك تفسير ليه انت عملتلهم hiring للاتنين او لواحد منهم اللي ابتدى مشكلة، خصوصًا ان دي مشكلة culture عنيفة .. يا ترى هترد ازاي؟
ابتدى يتوتر وللأسف هو باين ان خبرته مش كبيرة، وطريقته معايا سببها انه عاوز يبيّن انه شاطر، ومديره عجبته أسئلتي وابتدى الموضوع يبقى انا بسأل وانا ومديره نفكر سوا ونشوف أجوبة وابتديت اعرف مشاكل الشركة اللي بجد وافكر معاه في حلول، والشاب المتحمس سكت خالص باقي الإنترڤيو وكان بيسمع بس
الإنترڤيو مشي بشكل كويس بعدها وكنت accepted وهابقى مدير الشاب المتحمس .. ملخص القصة الطويلة دي انه غلط تمامًا تسيب الـego بتاعك او غرورك يتحكم فيك في إنترڤيو مع أي حد سواء أقل أو أكبر منك في الـtitle او الخبرة، لأنه بيعكس insecurities وقلقك ومخاوفك أكتر من انه يعكس شطارتك ..
جاري تحميل الاقتراحات...