ليه مستني ربنا يهديك فتحافظ على الصلاة ..؟
وكل اما أقولك السجاير حرام تقول لما ربنا يهديني ؟!
ومنتظرة ربنا يهديكي فتلبسي واسع وطويل ..!
وانتم الاتنين مستنيين الهداية من ربنا فتبطلوا ارتباط في الحرام !
• كل ذنب بتعمله بضمير مرتاح بس مستني ربنا هو اللي يهديك !!

مع إنك شغال وشقيان عشان لقمة العيش ..
ومش بتقول أما ربنا يرزقني ..
وانتي بتذاكري وتتعبي عشان تنجحي ..
ومش بتقولي أما ربنا يوفقني ..
ولما بيجيلك دور تعب بتجري تكشف وتاخد دوا ..
ومش بتقول أما ربنا يشفيني ..
» الذنوب والمعاصي مشكلتك انت ..
والتوبة مهمتك وقرارك انت ..

أيوة ربنا هيهدي وهيتوب عليك ويقبل توبتك..
بس ده لما تاخد بأسباب التوبة والهداية أصلاً
لكن طول ما انت غرقان في المعاصي وصحبة السوء ..
وضميرك مرتاح .. يبقى هاتتوب إزاي ؟!
[ يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحًا ]

وقال رسول الله صلى الله عليه وسلم : (إني لأتوب إلى الله عز وجل في كل يوم مائة مرة) ..
وخطوات التوبة هي :
1- ترك الذنب
2- الندم على فعله
3- العزم على عدم العودة إليه
4- رد المظالم لأهلها
- منقول