متبنيش سعادتك وامانك النفسي على شيء واحد !
عمرك شوفت بناء مبني على عامود واحد ! لو العامود اتشرخ .. المبنى كله ينهار !
خلي امانك وسعادتك .. تيجي من تحقيقك لاهدافك .. كاريرك .. وقتك الخاص .. سفر .. قراءة كتاب .. هوايه .. اصدقاء .. حبيب .. اهل
متخليش واحد فقط من دول يكون عامودك

هبتني امانك وسعادتك على شريك
هتبقى مديله قوة يقدر في اي وقت يهز امانك ويهددك بالرحيل وحياتك كلها تنهار لما يمشي
هبتني سعادتك وامانك على كاريرك فقط
هيجي وقت و هتتقاعد و هتكتئب
هتبني امانك وسعادتك على اصدقائك فقط هيجي وقت وهيتشغلوا في أسرتهم وهتتعب نفسيا

الافضل و الاصعب بقى .. انك اصلا متربطش سعادتك وامانك بشيء
انت سعيد لان سلامك الداخلي اهم من اي شيء.. لانك محافظ على العالم الداخلي بتاعك متزن .. لا بتحزن اوي ولا بتنجرف وراء المتعه والسعاده اوي
وسطي .. مُتّزِن
لكن وحش الماديه في عصرنا الحالي
خلى متطلبات السعاده اكبر واعقد

جبت شقه .. عايز شقه اكبر
جبت شقه اكبر .. عايز ڤيلا
جبت ڤيلا.. عايز يخت .عايز بيت عالبحر
المهم انك دايما بتأجل الاستقرار النفسي
لحد ما تيجي الحاجه دي
ولما تيجي الحاجه .. مفيش امتنان وشكر وهدوء وراحه .لا في سعي ورا شيء اخر يحسسك بالسعاده
وتفضل تجري ورا سراب
والسعاده سُكون مش جري