مساء الخير عليكم تعالوا النهارده نلف العالم و نشوف رحله هديه اشتريتها لاخ أو لزوجه أو لصديق بتوصلك ازاي و بعد ايه طبعا احنا ملناش دعوه احنا مصريين 😂 و كمان نتعرف على (تشاك) و نعرف قصته هيا بينا و يبتدي الفيلم بإجواء أعياد الميلاد و الهدايا و ازاي ان في شركات بتسهل عليك توصيل
الهدايا من مكان لمكان زي فيديكس هديه من زوجه لزوجها المخلص اوي ان شاء الله 😂و رحلتها لحد ماتوصله نسيب بقى كل ده و ندخل مقر الشركه عشان اللي في روسيا و نشوف (تشاك) وهو بيزعق و بيحمس زمايله في الشركه تحسه مهووس بشغله لدرجه انه بعت لنفسه هديه عشان يعرف هتاخد وقت اد ايه عشان توصله
و هو بيتكلم يلاقي المترجم بيعرفهم انه سرق عجله من طفل عشان يوصل طرد تبتدي تكون فكره ان (تشاك) للآله أقرب ماعندوش مشكله ياخد حاجه من طفل أدام هتساعده في هدفه و يبرر كل سلوكه انا استلفتها بس برضه تلاقيه بيشتغل بايده زيه زي غيره لما عرف ان عربيه من عربيات النقل وقفت و يطلع الطياره
مع زميله لاجازه صغيره قبل ما يرجع عشان يكمل سفره و توزيع الطرود و نشوف كل كلامه عن الشغل و ازاي يحسنوا و يطوروا الخدمه بس يعرف ان زوجه مريضه و يحاول يساعده بس حتى وهو بيكلمه عن الدكتور هينسي و يتكلم عن الشغل يوصل لمكان شغل صديقته (كيلي) و نشوف التليفزيون في بيتهم الاخبار بتتكلم
عن سراييفو و الحرب البارده و انهم باعتين بابا نويل يحتفل مع الأطفال حنينين اوي يا خال 😂 و نشوفه في عزومه عيد الميلاد في وسط أهله كل شويه يبص في الساعه من الأحاديث الجانبيه المكرره الممله انشغاله بالشغل حتى عن نفسه و اللي بيبان انه مش فاضي يزور دكتور الأسنان عيشته بجدول حتى عشان
يحضر مناسبه لازم يظبط قبلها بمده هدايا عيد الميلاد اللي يقدمها لصديقته في العربيه تقديس ممل للوقت اللي تبقى هديتها ليه ساعه بصراحه شخص ممل مدمن شغل الحياه معاه لا تطاق و يبان ده في خوف (كيلي) من الارتباط بيه و يتقبله بهزار عن علاقتها السابقه و قبل ما يسافر يديها خاتم الارتباط
و تحس تأخيره للهديه دي كأنه خايف من رفضها و يسيبها و يوعدها برجوعه و يركب الطياره و نشوفه نايم و يصحي على مطب هوائي و نعرف انهم انحرفوا عن مسارهم و بقى صعب تحديد مكانهم و تزيد المطبات و بسبب ساعه (كيلي) ما يقعدش مكانه و لما الطياره تقع كان سهل خروجه منها و حربه مع قارب النجاه
وسط البحر و البرق و الرعد أجواء مرعبه و اخيرا يطلع النهار و هو على شط أرض جزيره مكان بديع بس تخيلوا راجل ماشي بالساعه و بيحسبها بالدقيقه و الثانيه مش معاه ساعه حتى ساعه (كيلي) باظت تايه في الزمان و المكان حرفيا خايف مشوش مش عارف هيعمل ايه يقوم و يحاول يلم الطرود اللي اتحدفت
عالشط يغير الباقي من هدومه و يحاول يحمي نفسه من الشمس يصرخ يمكن يكون في حد موجود يسمعه يحفر help بالرمل يمكن حد يشوفها و ينقذه صوته و هو بيصرخ مشروخ لأنه تقريبا مش بيتكلم تغرب الشمس و الليل ييجي و هو قاعد مستني يطلع نهار يوم جديد و يلاقي البحر مسح استغاثته فيقرر يكتبها المره دي
بخشب الشجر بس برضه تشوف الأمل جواه من أي حركه تحصل أن في حد قريب منه بس يا خساره دي ثمره جوز هند و نشوفه محاولاته عشان يفتحها و لما ينجح يخسر الميه اللي فيها فيكون اكتر حرص في المره التانيه الإنسان خلق ليعيش و يتعلم ليعيش حته فلسفه عالماشي 😂 و بالنسبه ل(تشاك) اللي بيسابق الزمن
هيتعلم الصبر أصله خلاص ما بقاش بيسابق الوقت و يبتدي يستكشف المكان حواليه لعل و عسى لحظات من الامل يمكن يكون هناك في حد و يرجع ييأس و هو في رحلته للكهف يرجع رجليه متبهدله و يبتدي يفكر في حل لمشكلته و ما زال البحر بيحدف الطرود بيطلع لأعلى قمه في المكان عشان يشوفه بشكل أوسع حسيتها
زي الواحد لما يكون في مشكله و يقرر يبص عليها من بعيد يمكن يلاقي حلها يشوف بحر من كل حته بجد إبداع بس يلمح حد من كاست الطياره يجري عليه و هو كله امل بس للأسف ميت و يترعب من منظره و ياخده للشط يفكر انه محتاج جزمه و اهي ادامه بس تطلع صغيره عليه ياخد محفطته عشان و كشاف و يحفر حفره
عشان يدفنه و يحفر شاهد قبر كمان و نشوفه بيفتح الجزمه من أدام عشان يقدر يلبسها و يدخل الليل و يفضل ينور الكشاف و يطفيه فعل عبثي يضيع بيه الوقت و يطلع النهار و نشوفه اتعلم يجمع قطرات الندا عشان يشرب و يحاول يصيد السمك و في ليله يكون القمر مكتمل فيها يلمح سفينه و يصرخ عشان يشوفوه
و لما يطلع النهار يحاول بس يلحق السفينه بس البحر يرفض لسه الوقت مجاش و ينجرح من صخور البحر و نشوفه و هو بيصارع عشان حياته من تقلبات جو الجزيره العاصف و انت بتتفرج تحس العاصفه دي جواه غضب و خوف و رعب من الوحده الكامله و سؤال ملوش اجابه انا فين؟و هرجع لحياتي ازاي؟ يستخبي في الكهف
و تتجمع ميه حلوه من المطر يشرب منها و يفضل نور الكشاف منور لحد ما ينطفي خالص كأنه بيقوله أرضى و اتعلم تعيش ده العالم الجديد بتاعك و تبان شمس نهار جديد و فعلا يبتدي يتعود على حياته الجديده لما يفتح الطرود من بعد ما كان بيجمعها بس ومن ضمنهم هديه من جد لحفيده كره و يبتدي يالاقي ف
في الطرود حاجات تساعده في حياته الجديده و يتعلم يولع النار و يقضي وقت كبير بس للأسف يفشل و يرجع ياكل جوز الهند و ضرسه يألمه و يرجع يحاول بس يجرح ايده و يصرخ من الألم اللي في كل جسمه و الغضب من فشله يغسل ايده و يرجع يقعد يمسك الكوره و بدمه يعمل وش و عينين كأنه وش بني آدم و يرجع
يحاول تاني و يتكلم مع الكره بغضب وعنف بس يرجع يحاول و اخيرا ينجح و لأول مره يضحك و يرقص حوالين النار زي المجنون و لأول مره من ساعه ما وصل الجزيره ياكل وجبه سخنه و يبتدي يتكلم مع (ويلسون) لا و يحاول بالحساب يحدد مكانه و عرف ان صعب حد يلاقيه و نشوفه بيحاول يتمضمض بميه البحر عشان
ضرسه اللي ألمه استوحش و هو بيشتكي ل(ويلسون) و يكمل كلامه انه كان بيهرب من أنه يروح لدكتور الأسنان بس دلوقتي عنده استعداد يعمل اي حاجه عشان يكون معاه دكتور يخلصه من الألم ده يكون معاه خلاص هو عرف ان ده مكانه الجديد و نشوفه بيرسم على اي جدار صور ل(كيلي) عشان ما يحسش انه لوحده
و لما الوجع يزيد يقرر يشيل الضرس بنفسه و تعدي ٤ سنين و نشوف(تشاك) تاني اتعلم اخيرا الصيد بدأ يعمل تقويم لنفسه بس بقى متوحش عصبي عنيف نسي ازاي يتعامل مع البشر لدرجه انه لما سمع صوت خبط صرخ بعلو صوته و بقت كل تصرفاته أقرب للهمجيه حتى ملامحه و لبسه و نشوفه بيجهز نفسه عشان يسيب
الجزيره بيقطع جذوع الشجر و بيصنع حبال عشان يربطهم فجأه اتحول لكمبيوتر بشرى بيحسب كل حاجه كل ده و (ويلسون) شاهد و (هو كمان اتغير من كره بريئه لكره بعضلات و شعر منكوش😂) رجع تاني مهووس بالوقت بس المره دي عد تنازلي عشان يسيب الجزيره و يلاقي عنده نقص في الحبال فيضطر يستعمل شرايط
الفيديو و في حوار من طرف واحد ما بينه و بينه برضه عن جاهزيتهم للخروج من الجزيره بسبب نقص الحبال يكمل الحبال اللي ناقصه و في خناقه احاديه برضه يصرخ بصوت عالي انه عنده يموت في المحيط و هو بيحاول يوصل على أنه يموت عالجزيره و يحدفه بغضب بس لما يهدأ يجري زي المجنون عشان يدور عليه و
لما يلاقيه يحلف انه مش هيزعله تاني و بعدين بقى في الجنان ده 😂و بدمه يرجع يرسم ملامحه تاني و يقوله صافي يا لبن 😂انا اتجننت يا رجاله 😂و يجهز حاجته من ضمنها الطرد اللي ما فتحوش زي ما يكون شعور جواه انه هيرجع لحياته القديمه مهما تقبل حياته الجديده و في الليله الاخيره نشوفه قلقان
خايف و يعدي الليل و نشوفه بيكتب آخر رساله أشبه بالوداع و نشوفه بيغلب الموجه اللي كانت رجعته الجزيره المره الأولى و يشوف الجزيره من بعيد و يبكي وياخده البحر و من تعبه ينام و (ويلسون) يقع و البحر ياخده كأنه بيقوله خلاص وجوده ما بقاش ليه لازمه و يبكي زي الأطفال و وقت كتير يعدي لحد
ما تلاقيه سفينه و هو أقرب للموت و بينادي على حبيبته (كيلي) و نشوف (كيلي) بعد اربع سنين يجيلها تليفون و يغمن عليها😂 و نشوف ابنها و جوزها و بعد اربع أسابيع نشوف (تشاك) رجع لشكله الأول انا مش فاهمه ازاي بس نعديها قاعد هادي سرحان زميله بيفهمه هيحصل ايه و يعمل ايه و بعديها هيشوف
(كيلي) قاعد بيفكر هيقولها ايه و يبرر صاحبه موقفها انك بالنسبه لينا كنت ميت و عملنالك جنازه و تابوت و كل حاجه و دفناك كمان 😂 يبتسم و يفتكر الطيار اللي دفنه و يوصلوا و يتعمل الاحتفال و يدخل مكتب عشان يقابل (كيلي) بس يقابل زوجها طبعا زوجها بيهري و هو في عالم تاني بس نسمعه
جاري تحميل الاقتراحات...