جارنا ده إنسان عجيب ، زوجته تقوله :
البيت مفيهوش أكل، أولادك جعانين، والشتاء دخل، ومحتاجين كِسوة، يقبض فلوس المرتب، ويروح شاري بيه طقم صالون مُذهب، ويقول لها : هو البيت اللي أنتم قاعدين فيه ده بيت، ده كان شِبه بيت 👇👇

تُلطم على وجهها، وتقول له : يا راجل، أحنا مديونين لطوب الأرض، والديانة رافعين علينا قضايا في المحاكم، وهندخل السجن، فيطلب منها ، تخلع ذهبها، ويبيعه، وبفلوسه يجدد بلاط السِلم ويدهن المدخل، ويشتري بوابة نحاس، ويقولها : احمدي ربنا، أنا بعمل لكم بيت جديد 👇👇

تطلب منه يقدم لأولادهم الصغار في المدارس، قبل ما يعدي السن، وتضيع عليهم فرصة التعليم، يستلف من صاحب العمارة ، وياخد الفلوس يشتري بيها طقم ثلاجة وغسالة وبوتوجاز جُدد ، ويرمي اللي عندهم، ولما تصرخ، يقولها :
يا جاحدة للنعمة، مفيش زوج في الدنيا عمل لزوجته الإنجازات اللي عملتهالك