✨بدايةً عزيزي القارئ الثريد دي لأي شخص عنده اتصال بين القمر والطالع في خريطة ميلاده (اقتران/معاكسة/تربيع/تثليث/تسديس/عدم اقتران)
✨ ثانياً الثريد بتركز علي النقاط المشتركة اللي بتجمع بين الإتصالات دي لأن صعب نعمل ثريد منفصل لكل اتصال مع العلم ان في اختلافات بين طبيعة كل اتصال.
✨ ثانياً الثريد بتركز علي النقاط المشتركة اللي بتجمع بين الإتصالات دي لأن صعب نعمل ثريد منفصل لكل اتصال مع العلم ان في اختلافات بين طبيعة كل اتصال.
١. في البداية "القمر" مرتبط بالقدرة على الاعتناء، انك تهتم بحاجة، انك تعتني بيها فأي اتصال بيجمع بين القمر والطالع بيخلق شخص بيعرف يهتم، بيعرف يحتوي، بيعرف يعتني سواء بفكرة او بشخص او بمشروع او بشئ مادي او بطفل صغير أو بنفسه. في النهاية اي حاجة هتقع في طريق الشخص ده هيحافظ عليها.
٢. ولذلك اتصالات القمر والطالع بتقوي أثر القمر في الخريطة وبيبقي القمر البنزين اللي بيحرك الشخص فالشخص ده عادةً بيكون انفعالي، حساس، مزاجي، ذكي، غامض، رومانسي، انحيازي والأهم بيحب يعمل اللي يريحه واتصاله بمشاعره عالي جداً. مفيش شخص عنده اتصال بين القمر والطالع احساسه ضعيف.
٣. القمر كوكب مائي مرتبط بالوفرة وفكرة nurturing او التنشئة فلما بيتصل بالطالع وخاصةً في اتصال إيجابي بيقدر يكبر الحاجة، بيعرف يستثمر الشئ اللي معاه زي الام اللي بتوجه كل طاقتها لاولادها لحد ما يكبروا او يصلوا لبر الأمان وعشان كده دي دلالة علي الثراء لأن الشخص بيحول التراب لذهب.
٤. على عكس المتوقع في الأغلب الشخص اللي عنده اتصال بين القمر والطالع اتعلم او تم وضعه في ظروف اجبرته على الاعتناء بنفسه خاصةً صاحب المعاكسة/التربيع قد يكون عاني من الإهمال او تم التنمر عليه من قبل اشخاص كان متعشم فيهم او من المفترض انها تهتم بيه وكان بيتم اتهامه بالحساسية والضعف.
٥. ومع اتصالات القمر والطالع الشخص بينحاز بشدة لأفكاره ومشاعره وده اللي في الأغلب بيخلق منه شخص انفعالي مستعد يحمي نفسه من اي خطر او انتقاد لاذع او رفض او معارضة من الآخرين فيبدأ يعزل نفسه وينغلق ويرفض طلب او قبول المساعدة من اي حد ويدخل موود "مش عايز اعرف/اشوف/اتعامل مع حد"
٦. مع ملاحظة ان القمر متعدد الوجوه ف بأتصاله مع الطالع الشخص مزاجيته هتسيطر عليه فهو هيختفي فترة بس تأكد أن ده مش وضع دائم وانه هيرجع تاني ودي قاعدة عامة بمعني ان اتصال القمر بطالعك هيخلي حياتك متغيرة بأستمرار ومليئة بالتموجات شوية فوق/شوية تحت بما في ذلك وضعك المادي والعاطفي.
٧. ولذلك في ذبذبة منخفضة الشخص اللي عنده اتصال بين القمر والطالع خاصةً المعاكسة/عدم الاقتران بيجذب اشخاص لا يعتمد عليها او مش متأكدة من مشاعرها، مزاجية، شوية متاحة وشوية تانية غير متاحة وده تلقائياً بيدفع الشخص لاخذ دور ابوي في علاقاته فتلاقيه هو اللي بيهتم، بيسأل، بيدلع والخ،..
٩. فلو عندك اتصال بين القمر والطالع انتبه في علاقاتك من الأشخاص المتطلبة عاطفياً، الأشخاص اللي معتمدة عليك عاطفياً بشكل كبير، الأشخاص المزاجية، الأشخاص on/off ولو انتي ست تأكدي انه مش منجذبة لشخص ابن امه او عشان اكون أدق مش متأثر بأسرته بشكل سلبي.
١٠. في ذبذبة مرتفعة طاقة القمر لا تقاوم جرب ترمي عينك علي القمر يوم اكتماله استحالة متتأثرش ولذلك اي اتصال بين القمر والطالع بيخلق شخص ساحر ومغري جداً وعلي فكرة دي دلالة جمال قوية وعادةً جمالهم يكمن في وجهم، ملامح مغرية وغامضة بس ناعمة وجذابة زي القمر.
١١. من النقط المثيرة للاهتمام ان الشخص اللي عنده اتصال بين القمر والطالع بيكون شكلاً متغير زي القمر يعني كل شوية بوزن، بشكل مختلف حتي لو هما كأشخاص مش بيعملوا تغيرات كبيرة في مظهرهم اغلب الوقت هتحس ان فيهم حاجة بتتغير وبسرعة وغالباً الصور بتظلمهم وفي الحقيقة شكلهم أجمل زي القمر.
١٢. كمان في ذبذبة مرتفعة لاتصالات القمر والطالع لازم نتكلم عن الشهرة لأن الشخص هنا بيعرف يتواصل بمشاعره، بيعرف يترك أثر عاطفي عليك، الأشخاص دي عبقرية بمعني الكلمة وعندهم ادراك باطني وعميق للأمور ولذلك افضل المعالجين وقراء التاروت في الأغلب هيكون عندهم اتصال بين القمر والطالع.
١٣. ولذلك قدرة صاحب اتصال القمر والطالع لاستخدام معلوماتك وذكرياتك للتأثير عليك مخيفة فالشخص ده عادةً بيكون عنده معلومات/بيانات/ذكريات عن الآخرين ليها تأثير كبير عليهم وعشان كده دي طاقة قوية وعايزة شخص ناضج ومتواضع لأن اقل اندفاع او انفعال ممكن يخرب الدنيا حرفياً.
١٤. في الحقيقة اتصالات القمر والطالع بتفكرني بكارت high priestess في التاروت وقوة المعرفة الباطنية، قوة الحدس، قوة ذاكرتك ومشاعرك لو اتوظفت صح فكل شخص فيكم يمتلك هذه القوة الباطنية اللي بتمنحه امتيازات وتأثير قوي خفي علي الآخرين لأن القمر عكس الشمس قوته في نعومته وغموضه ودي قوتك!
١٥. الجميل في اتصالات القمر والطالع الثراء الروحي اللي بيمنحه للشخص، خيالكم الخصب ومشاعركم المؤثرة. بتعرفوا تخاطبم عقول الناس بفهم قلوبهم بجانب اخلاصكم الشديد لكل شئ بتشعروا تجاهه بالانتماء والحب مع الاحتفاظ ببرائتكم و عشوائية مشاعركم. بأختصار انتم فوضي منظمة 🌑🌚
✨ كالعادة دي نبذات مختصرة عن طبيعة اتصالات القمر والطالع في خريطة الميلاد وبالتبعية صعب الكلام ينطبق بشكل حرفي ولكن حاول تاخد الفكرة العامة عزيزي القارئ وتكيفها مع خريطتك او تبقي نقطة تبدأ بحث منها لو عندك اتصال مماثل. وكالعادة خريطتك ليها الكلمة الأخيرة ومفيش بطل لحكايتك غيرك🌿
في اوقات هتسيب الحاجات اللي بتحبها، هتمل منها، هتطلع تجري لحد ما تتأكد انك بعدت لكن الأكيد والغريب ان الحاجات اللي بتحبها عمرها ما هتبطل تحبك وهتفضل تطل عليك علي امل ان قلبك يحن كأنها بتاخدك في حضنها لأنها عارفة انك محتاج حضن وانك في يوم راجع ودي الحقيقة محدش بينسي حاجة حيت قلبه.
للأبد بحبكم أبطالي 🦄 💜
وحشتوني ✨
وحشتوني ✨
جاري تحميل الاقتراحات...