في ٢٠١٢ كانت نظرية الاتجاه العلماني في مصر هي ببساطة نعمل أي شئ ونتحالف مع الشيطان حتى لايكون في مصر حكومة لها طابع ديني، الثمن المدفوع لم يكن الإخوان لكن التجربة الديمقراطية الوليدة إللي كانت نجاح الثورة الوحيد، هما دفنوا الديمقراطية الوليدة ديه وهما بيدفنوا الإخوان
النتيجة هي نظام ملهوش أي مرجعيه شعبية على الإطلاق ، هدفه الوحيد تحقيق أكبر مكاسب لصالح مجموعة مصالح واضحة ولا يبالي بأي شكل بنتائج أفعاله على أي حد خارج مجموعة المصالح ، وبيسيطر على غضب إللي أفعاله بتفرمهم بوحشية طاغية تصل إلي القتل العمد المباشر
الوضع ده مش ممكن يستمر للابد وحينهار بسرعة جدا وفي لحظة الانهيار حتظهر مجموعة مصالح جديدة تتولى الحكم وتعمل نفس الشئ ولكن في لحظة التغيير حيبقى في شهور أو سنين من شهر العسل لاقناع الشعب ان في تغيير حصل.
كلامي قد يفهم منه انهم الفاعل والحقيقة انهم مجرد مفعول به لعبت بيه مجموعة المصالح لتحقيق اهدافها وكانوا هما الوجه الإعلامي إللي بيطلع يكلم الناس عشان يسخنهم ويبيع ليهم الفكرة ، المقصد لما واحد فيهم يقولك أسف معلش ماكنشي قصدي ، تقوله اسفك ده غير مقبول وإنت مجرم زيك زيه
جاري تحميل الاقتراحات...