الإنسان يبدأ ينضج لما يتصرف تصرفات عشان بيحبها ، مش علشان يلفت بيها نظر غيره !
بتحب القهوة إشربها ، بس مش علشان يتقال عنك عميق تشرب قهوة ، عاوز أحدث آيفون ونِفسك فيه هاته ، بس مش لأنك محتاج تلفت نظر غيرك وتحسسه إنك باشا مصر تجيبه ، حتي ولو هتبقي مديون في تمنه !
بتحب القهوة إشربها ، بس مش علشان يتقال عنك عميق تشرب قهوة ، عاوز أحدث آيفون ونِفسك فيه هاته ، بس مش لأنك محتاج تلفت نظر غيرك وتحسسه إنك باشا مصر تجيبه ، حتي ولو هتبقي مديون في تمنه !
اللي بيحاول يثبت لغيره حاجة بيعيش طول عمره مقيد ، وعنده نقص ، وبيعاني ، لأنه هيفضل مستني رد فعل معين ، ونظرة معينة تشبع رغبته وتحسسه بالإنجاز !
ستيف جوبز مخترع الآيفون كان كل لبسه شكل بعضه لدرجة تحسسك إنه معندوش غير بنطلون واحد !
ستيف جوبز مخترع الآيفون كان كل لبسه شكل بعضه لدرجة تحسسك إنه معندوش غير بنطلون واحد !
اللي عاوز اقوله إن لبسك ، أكلك ، شُربك ، ستايل ونظام حياتك ، عيشهم بالطريقة والشكل اللي إنت فعلا بتحبه وحاسس إنه لايق عليك ، متجبش حاجات أعلي من امكانياتك ، أو تدخل أماكن تاكل وتشرب فيها وإنت أصلاً مبترتحش لما تخشها ، ولكن عشان يتقال عنك بتدخلها !
الشخص السوي هو اللي بيكون عنده من الرضا اللي يخليه مش محتاج يسمع أو يشوف من غيره اللي يزود ثقته في نفسه ، لأن جنته جواه ، وقناعته نابعة من قلبه ، لا بيتهز ولا بيحاول يلفت إنتباه حد ، وساعتها بيكون في كامل حريته ، ومش ممكن يبقي أسير لرأي أو إنطباع مخلوق !
لان الواحد مهما يلبس هيلاقي اللي بيلبس أغلي منه ، ولو حدّث موبايله هيلاقي اللي هيجيب الاصدار الأعلي ، ولو إتجوز اللي مفيش في حلاوتها هيشوف مع الوقت الأجمل !
لازم التصرف يكون نابع من جواك ، وعشان يرضيك إنت وما يرضيش غيرك حتي ولو بأبسط أكل ، وشُرب ، وجامعة ، وموبايل ، وبيت !
لازم التصرف يكون نابع من جواك ، وعشان يرضيك إنت وما يرضيش غيرك حتي ولو بأبسط أكل ، وشُرب ، وجامعة ، وموبايل ، وبيت !
اللي بيتقبل حاله بيعيش في سلام زي الملك ، واللي حاسس بالنقص بيفضل طول حياته في صراع ، تعبان ومُرهق نفسيًا !♥️
جاري تحميل الاقتراحات...