ماتحرقش نفسك .!
أعظم جملة سمعتها مؤخرا كانت Don’t make yourself too available.
لإنه مافيش أسوأ من إن الناس تستغلك عشان عارفين إنك دايما موجود، أو دايما هتعمل اللي هم عاوزينه، دايما ممكن تيجي على نفسك، وغيره من التصرفات اللي بتتيح فرصة استغلالك.

وفي فرق بين إنك تساعد حد أو تبذل مجهود عشانه، وإنك تبان ماعندكش أي مانع لأي شيء، مش بتعرف ترفض، مش بتقدر تكسف حد، دايما متاح، دايما أي حد (وحط خط تحت أي حد) يعوزك هيلاقيك كده بسهولة من غير ما يتعب.

الناس ما بتحبش الحد اللي بيقدم كل حاجة ببلاش، وكل حاجة دي بتشمل مشاعرك، وطيبتك، ونصايحك، واهتمامك.. وإلخ.
صدقني، الناس بيسترخصوا اللي بيدي كل شيء من غير مقابل. ومش بحاول أقولك خليك بتاع مصلحتك بس أو أناني، أو اتكبر على اللي بيحبوك، بس الجملة كانت واضحة TOO available، .

يعني متاح بشكل مبالغ فيه وزيادة عن المفروض ومع كل الناس. أو باختصار زي ما بتتقال بالبلدي .. ما تحرقش نفسك في عبارة اخرى مترخصش نفسك
منقول