كيف الواحد ينتظم بالصلاة ومايتركها وكيف يتقرب من الله أكثر ويبعد عن نفسه عن المعاصي والذنوب ؟

عشان تنتظمي بصلاتك وتصلينها بوقتها قبل الصلاه بـ 10 دقایق قومي واتركي كل شيء بيدينك من جوال من كتاب من شغله من كل حاجة وتجهزي لها توضي افرشي سجادتك امسكي قرانك واقري وردك اليومي سبحي واستغفري لمن يأذن بتقومين عطول تصلينها وانتي مرتاحه وبوقتها بعد نصيحه جربوها انا اسويها دايما . .

بقولكم كمان عشان مانعصي ربي لازم نجاهد انفسنا ونبعد قدر المستطاع عن جميع الفتن والذنوب اللي تغضب ربنا زي الاغاني والعلاقات السامه مثل علاقة البنت والولد والصحبه السيئه لها تاثير كبير بحياتك واللي تتابعونهم الناس لهم تأثير كبير بحياتك وبشخصيتك وتفكيرك فـ تابعوا ناس مفيده وايجايبه.

وغيروا تفكيركم حتى يتغير اللي حولكم مافيه شيء ابداً ان رح يتغير من نفسه لا لازم انت تتغير حتى كل شيء حولك يتغير لازم تفكيرك يتغير شخصيتك تصير ايجايبه ما اقولكم كونوا ايجابين 24 ساعه لا إحنا بشر وعندنا تقلبات مزاج ولابد نزعل ونضحك ونتضايق ونحزن وهالشيء طبيعي من فطرة الانسان نفسه.

ونعمه من الله اننا نحس بالمشاعر هذي فـ ابتعدي عن كل شيء مايرضي ربي وجاهدي نفسك غلطتي مره توبي وارجعي لربي الله يحب التوابين وجاهدي نفسك ماتعيدي الغلطه ذي مره ثانيه ، واعرفي ان الصلاة هي الصلة بين العبد وربه واول شيء تحاسبين عليه يوم القيامة فأحسني فيها وقومي فيها على أكمل وجه 🤍.