تربية الأبناء
العلاقات
تحسين الذات
الصحة
العائلة
نمط الحياة
المساعدة المنزلية
إدارة المنزل
عمال المنازل
المنزل والعائلة
الدعم المحلي
كيف نتعامل مع العاملة المنزلية عشان نوصل لوضع مريح للطرفين بدون ضغط، من تجررربة 👇🏻
هذا الموضوع كتبته من تجربه مريحه لي مع العاملات بدون ضغط ، الافكار الي بكتبها مناسبه عشان تكون مرتاحه العامله وتقدرين توجهينها وتسمع الكلام بكل حب وتتجنبين المشاكل المتكرره ، الموضوع لطيف ومو اجباري على احد خذي الي يناسبك واتركي الي مايناسبك 💛
قبل الاختيار لازم نرتب لـ مقابله شخصيه معهم عشان تعرف هي وين رايحه وقبل اصلا ضروري انتِ تحددي بمخك ليه جايبتها عشان تقوم بدورك كامل طولا عشان تطبخ ولا عشان ناني؟
ليه نحدد عشان لاتتوقعين منها اكثر من المطلوب وتحملينها فوق طاقتها بعدين تزعلين خليك واقعيه ولاتحملينها فوق طاقتها وتحملي مسؤلية حياتك مع وجودها مساعدة فقط
عن نفسي احتياجي الاول عشان طفلي وقت دوامي و تساعدني بنظافه البيت كنت اسأل وقت المقابله قبل اختار هل عندك اطفال هل تعرفين لهم هل تحبين التعامل معهم وكان بعضهم يوضح بوجههم الرفض وبعضهم ترفض صريح وبعضهم تبدي حب وابتسامه لما اجيب سيرة الاطفال
وعليها اقرر عموما انها تكون عارفه قبل تجي مساحه البيت و عدد الاشخاص والمهام الاساسيه مهم جدًا
قبل انسى بليز لاتغيرين اسمها الاسم هو اول هوية للشخص ف بليز ناديها فيه، وخليها تناديك بمدام والاب ب مستر و ضروري يكون التعامل معك فقط وفهميها ان الراتب واي احتياج تجي تطلبك انتِ ممنوع تتعامل مع زوجك او يوجهها و انتي توجهين بتصير مشاكل و لخبطه وتفاهمي مع زوجك
اطفالك ضروري تعلمينهم الاحترام ممنوع يطلبون شي منها ك موية وأشياء سهله يقدرون يقوومون فيها ممنوع التعامل معها باحتقار وصراخ وضرب بعض الاطفال يستبيحون الخدم و هي تسكت بعدين تنتقم ف لاترضين عليها ابدا اي تعامل سيء من الطفل او حتى الزوج
اعطيها لبس خاص للعمل فقط لما تطلعون خليها تلبس الي تحب، وبعدين تعرفينها على غرف البيت و ادوات النظافه و كيف التعامل معها والمسموح وغير المسموح في مهام يومية تتحدد لها وفي مهام اسبوعية وفي شهريه ممكن تستعينين بجدول اذا تحبين ارفقت لكم وممكن انتِ تذكرينها كل يوم بالمطلوب ،
الطبخ اذا ودك تعلمينها انصحكم بعد ماتشوفين نظافتها وتشوفين مدى استيعابها، و يكون باشرافك اكثر من مره لما تتقن انا صراحه علمتها على طبختين و اتقنتهاا مررره سعاده وراحه ، لكن اكيد تساعدني بالتقطيع و بعض الاشياء
ضروري اول ماتجي نشوف ايش ناقصها ونجيبه لها اعرف ان بعضكم يقول خليها تشتري بفلوسها انتم احرار بس انا بالنسبه لي اشياء نظافه اخذها من مخازن العناية ماتتعدا ١٠٠ ريال اعتبرها صدقه و اكسب ودها افضل من اني اجلس اتناحل معها عشان نظافتها الي انا بستفيد منها اصلا
مهام الطفل اذا عندك ضروري تكون باشراف خاص منك لمدة معينه، خذي اجازة و تابعيها يوميًا لمن تتطمنين على الطفل وكيف تعتني فيه بغيابك وحطي كاميرا وعلميها ان فيه كاميرا ضروري ، وحسسيها انك مهتمه باتصالك وسؤالك حتى لو بالدوام
قولي لها لاتشتغلين ولا تسوين شي اهم شي الطفل واستودعيه الله
قولي لها لاتشتغلين ولا تسوين شي اهم شي الطفل واستودعيه الله
عامليها بانسانية صبحي عليها اسالي عن حالها واشكريها وامدحيها اذا سوت شي زين، هي جايه لعمل ولكن نتذكر انها مغتربه فنراعيهم و نحترمهم ونتعامل معهم باحسان ، ليه تعصبين اذا ماسوت صح او حاست شي قاعده تتدرب توها روقي وحاولي لاتطلعين عليها عصبيتك وتعاملوا معهم مثل الرسول
فيقول أنس بن مالك رضى الله عنه: خدمت رسول الله -صلى الله عليه وسلم- عشر سنين، فما ضربني ضربة، ولا سبني سبة، ولا انتهرني، ولا عبس في وجهي
قال: "خدمت النبي عشر سنين فما قال لي أف قط، وما قال لشيء صنعته لم صنعته، ولا لشيء تركته لم تركته"
قال: "خدمت النبي عشر سنين فما قال لي أف قط، وما قال لشيء صنعته لم صنعته، ولا لشيء تركته لم تركته"
الاكل ضروري ينغرف لهم قبلنا حرام ينعطون بواقي اكلكم دايمًا حطوا انفسكم مكانهم، وتذكروا انهم جايين من فقر و حطوا ببالكم ان وجود عامله ترا بيخليكم تحتاجون تزيدون بكمية الاكل و بعض الاشياء لكن فدا بما انها تريحنا وتساعدنا وانوي صدقه كل شيء وبيتبارك ولا بتتضايقين
لاتجلسون تهددون بخصم الراتب اذا اخطأت ، تخيلو نفسكم مكانهم وتنحطون تحت ضغط كذا خذوهم بالكلمه الحلوه والتعامل الجيد و بينجزون لكن لاتمونون زياده وتميعون معهم وتدلعون بزياده برضو غلللط ويخليك بكره ماتعرفين كيف تتعاملين معها وتصير ماتحترمك ،
لاتتكلمين معها عن اسرار البيت و حاولي تحفظين خصوصيتك قدامها هي جايه لشغل عامليها باختصار باحترافية تخيلي نفسك بشركه ماراح تجلسين تستعملين اسلوب سيء لموظفينك
مو كل طلعه معك، عن نفسي ماحب اخذها مول اتقضى ولكن بالعزايم اخذها عشان تساعدني بولدي وانبسط مع الناس ولكن ما اخذها لما نروح العاب لاطفالي ولايعجبني منظر الطفل مع الخادمه تلعبه احززن مره واشوف مواقف تقهر من ضرب ونفخ بالصصوت عالاطفال وغيرها وقت اللعب لاطفالك حلو تكونين معهم انتِ
وجود عاملة مايعني الاعتماد عليها 100% و بالذات اذا عندك اطفال لا يصيرون اتكالين لو عندك 10 عاملات ضروري يشيل وراه لبسه و كركبته ، خصصي وقت معين للعمل واعطيها راحه و وازني بين الامور يعني لو صاحيه بدري حاولي تشيلين عنها كم شغله ولا تجلس تشتغل لاخر اليوم ،
و اطفالك وقت ماتكوني موجوده بالبيت فهم مسؤوليتك ، انا نظامي انها تصحى لما اروح الدوام و بس اجي الاقيها كنست وقت نومه و جهزت للغدا اذا طلبتها و بعدين تغسل مواعين الغدا وتدخل غرفتها الا لو طلبتها ثاني للمطبخ بس غلط تشتغل قدامنا او وقت وجودنا تكون بغرفتها تكوي او تسوي الي تبغااه
انتبهي لصحتها واذا احتاجت مستوصف وديها واذا تعبانه خليها ترتاح ، اذا تضايقتي من نظافتها كلميها بكل وضوح بالنسبه لي ارسل واتس لاني استحي وجها لوجه و اقولها باسلوب حلو و اشوفها تستجيب ومن يوم تجي اقولها ضروري الاستحمام اول باول وغسل ملابسك
الرااااتب ممنوع نتاخر فيه منعًا باتًا ماتعرفين انتِ ايش عندها ب بلدها ومين ينتظظر هذا التحويل عشان ياكل ولا يدرس ولا يشتري ادويه ارجوكم ارحموهم وامشو على قول النبي ( اعط الاجير اجره قبل ان يجف عرقه ) والحين ب stcpay تحولين بكل بساطة بدون قروشه و مشوار
اعطيها هدايا برمضان وبالعيد وملابس للشتاء و لاتعطينها فلوس فجاه زياده لازم سبب مثل يوم كان عندك عزيمة وكرفت كرف قوي ممكن نعطيها مكافأه زي البونس او اذا التزمت بكل شي بدون تقصير بشهر معين هذا بيحفزها ويعطيها مشاعر ايجابيه للعمل معك
في حال التقصير الواضح منها والاضراب عن العمل بكل بساطه كلميها هل في شي مزعجك ؟ ممكن متضايقه وهذا اثر عليها اذا كذا نراعيها كم يوم واذا استمر الامر نوضح لها ان هذا بياثر على العقد الي بيننا ونكلم المكتب عشان يتفاهم معها
الجوال من حقها تستعمله و نوفر لها نت بالبيت ولكن من يوم تجي نحط شرط ان ممنوع استخدامه وقت العمل او خارج غرفتها ، وممنوع تصوير تيك توك لاجزاء البيت اذا تبغا تصور نفسها ع جدار فاضي بكيفها بس انا بيتي ماصوره تجي تصوره هي ليه ف خليك واضحه بحدودك بدون تعدي على حريتها ايضًا
اذا استفدتم وحابين تستفيدون اكثر تابعوني سناب الملف التعريفي غني بالمواضيع المفيده و يومياتي كأم 💛👻
t.snapchat.com
t.snapchat.com
جاري تحميل الاقتراحات...