ثريد عن تجربة كلاينت بعد سنة متابعة و مراحل التغيير الي عدينا بيها و المشاكل الي قابلتنا و ازاي قدرنا نحلها و نوصل للنتايج دي
البداية كانت من سنة بالظبط الوزن كان ١١٣ ، الحالة النفسية صفر تجارب كتير فشلت و محاولة مع كل الانظمة المعروفة زي الزيرو كارب و الكيتو و الكيميائي و الفاكهة و الخضار و بعد كل مره مهما الوزن نزل بيرجع يزيد تاني و بيرجع اعلي من الاول كمان ف الموضوع بيكون أسوء و طبعا كل دا سبب إحباط
و قلة ثقة و عدم تقبل الجسم و مشاكل مع المجتمع و أكل عاطفي بسبب و بدون سبب و الجسم كله كان ف فوضي نفسية و صحية و عقلية ف كان الموضوع مش سهل تماما لكن دايما طول ما في شخص بيحاول عمره ما هيفشل و كل مره هيشوف انه فشل ما هي إلا وسيلة انه يوصل للطريق الصح و يقدر يحقق هدفه
أول مشكلة كانت عدم تقبل الدايت و أي نظام بيقابل بالرفض و ان الحالة النفسية بتسوء بسبب التجارب السابقة ف كان الحل هو اني عملت نظام مخصص ١٠٠% من إختيارها بكل أصناف الاكل الي طلبتها و عدد الوجبات و بكميات كبيرة مشبعة و بإختيارات لكل وجبة كأنه محاكاه لنظام اكل بيت لكن بكميات محسوبة
و دا ساعد كتير ف اننا نكسر فكرة ان مفيش دايت و اننا مش هنعمل اكتر من اننا هناكل من اكل البيت المتاح لكن بكميات محسوبة و بنظام مناسب لليوم و دا ساعدنا كتير ف الاول اننا بنينا سيستم للاكل عرفنا نعدل فيه فيما بعد علي أساس كل المتغيرات الي بتحصل و انه شامل أي صنف اكل ف البيت
تاني حاجة كانت ازاي نتعامل مع الميزان و نفهمه بدأنا نوزن كل يوم و نتعلم ازاي نفهم الميزان و ليه بيعلي ف يوم و يقل ف يوم و ازاي علي مراحل الشهر المختلفة و تغير وقت البريود الميزان بيتغير و ان كل دا ملوش أي دلاله علي نزول الدهون و اننا ماشيين صح و اوقات يفضل ثابت بالشهر بس النتايج
بنشوفها ف المقاسات و اللبس و اوزان التمرين و تغيير شكل الجسم و ان مش كل النزول ميزان و اننا زي ما بنفكر نخسر دهون احنا لازم نبني عضلات كمان و ان دا الي هيغير شكل جسمنا ف بدأنا بتمارين بوزن الجسم ف البيت و بعدها اشترت دامبلز و حبال مقاومة و بعدها بدأت جيم و قدرت انها تستمر فيه
تالت حاجة كان لازم نتعامل معاها هي الشهية و عدم استقرارها و الرغبة المستمرة ف الاكل خصوصا وقت البريود و تحت اي ظروف صعبة أو توتر زايد و اننا نوصل لنتيجة ان الاكل مش حل و اننا لازم نحل المشكلة بدل ما نحولهم لمشكلتين و نبقي بنأذي نفسنا اكتر
رابع حاجة و اهم حاجة اننا كان لازم نحول التفكير من اننا بنعمل دايت بس ل اننا بنبني شخص جديد بعقلية مختلفة و افكار مختلفة تساعدنا اننا نحافظ علي النتايج دي مهما كانت الظروف و اننا مش بنعمل دايت لا احنا بنغير كل أفكارنا الي اتربينا عليها و بنتعلم نقول لا و بنتعلم نحمي حدودنا
اتعلمنا كمان ازاي نحسب سعراتنا و ازاي النظام يكون مناسب و ازاي نعدل عليه و ازاي ندخل كل الاكل الي نفسنا فيه و ازاي نقدر نبدل بين اصناف الاكل المختلفة عشان نستمر و نقدر ننبسط بالاكل كله من غير ما نحس اننا محرومين من اكل و ان اي تغيير طاريء طبيعي مفيهوش اي مشكلة و ان دا العادي
هل كل دا مكنش في أي وقوع او صعوبات او اننا نجحنا من اول مره ؟
طبعا لا كان في مشاكل كتير و وقوع كتير و شهور الدنيا فيها مش مظبوطة و المجهود البدني بيقل و كل المتغيرات الطبيعية ف حياة اي إنسان بس عشان العقلية و اسلوب التفكير اتغير ف كل دا مكنش فيه أي مشكلة و قدرنا نعدي كل دا
طبعا لا كان في مشاكل كتير و وقوع كتير و شهور الدنيا فيها مش مظبوطة و المجهود البدني بيقل و كل المتغيرات الطبيعية ف حياة اي إنسان بس عشان العقلية و اسلوب التفكير اتغير ف كل دا مكنش فيه أي مشكلة و قدرنا نعدي كل دا
طيب هل كل الكلاينتس معايا بينجحو؟
اكيد لا و السبب هو انهم بيكونو متخيلين الموضوع سهل و لا هو مش سهل هو صعب و انت بتحاول تغير افكار اتبنت معاك طول عمرك ف ازاي متوقع تقدر تعمل دا بسهولة ؟ ،مش كل الناس بتتقبل الفشل و مش كل الناس عاوزه تبذل مجهود و مش كل الناس عاوزه تحاول لحد ما توصل
اكيد لا و السبب هو انهم بيكونو متخيلين الموضوع سهل و لا هو مش سهل هو صعب و انت بتحاول تغير افكار اتبنت معاك طول عمرك ف ازاي متوقع تقدر تعمل دا بسهولة ؟ ،مش كل الناس بتتقبل الفشل و مش كل الناس عاوزه تبذل مجهود و مش كل الناس عاوزه تحاول لحد ما توصل
الفرق بينها و بين اي شخص تاني انها كانت عاوزه توصل و بتبذل كل مجهود عندها عشان توصل و بترتب اولوياتها عشان صحتها و جسمها و بتغير من كل العادات و بتحمي نفسها من كلام و تعليق اي و مؤمنة بالي بتعمله و عاوزه تحافظ عليه مهما كان التمن و الاهم انها متقبلة ان الرحلة فيها حلو و وحش
ف زي ما بنفرح بالحلو بتقبل الوحش و بنتعلم منه و بنتعلم ازاي نتعامل معاه و ازاي نستفيد منه و ازاي ميتكررش ف المستقبل و ازاي يبقي حافز لينا عشان نعمل نتيجة احسن و اننا مش ف سباق و ان دي الحياة و مش هنغيرها مهما عملنا و لازم نتقبل ان دا نظام الكون ف هنقدر نتعامل معاه احسن
كانت بدايتنا اننا بس عاوزين ننزل ف الوزن و نحسن من مؤشراتنا الصحية و دلوقتي الهدف اتغير لإننا نوصل لأحسن شكل للجسم و اننا علي اخر السنة الجاية هيكون في عضلات بطن و دي اهم حاجة ان الهدف دايما لازم يتجدد ولازم يكون منطقي عشان تقدر توصل ليه و كمان يكون محدد بمده زمنية منطقية
هل انت تقدر تعمل زيها ؟
أكيد تقدر طالما عندك النية انك تبدأ الرحلة و عاوز تكمل للاخر و قصدي هنا لاخر العمر مش تنزل كام كيلو و ترجع تاكل زي كل الناس ولا عندك مناسبة و عندك ١٠ كيلو مضايقينك عاوز تخلص منهم ف لا اوعدك انك مش هتخلص منهم و هتفضل طول حياتك بتعاني معاهم و يمكن هتزيد اكتر
أكيد تقدر طالما عندك النية انك تبدأ الرحلة و عاوز تكمل للاخر و قصدي هنا لاخر العمر مش تنزل كام كيلو و ترجع تاكل زي كل الناس ولا عندك مناسبة و عندك ١٠ كيلو مضايقينك عاوز تخلص منهم ف لا اوعدك انك مش هتخلص منهم و هتفضل طول حياتك بتعاني معاهم و يمكن هتزيد اكتر
الموضوع مش مستحيل بس صعب بس حقيقي الرحلة تستاهل و هتشوف دا بنفسك لما توصل للمكان دا و تشوف اد ايه حياتك احسن و رضاك عن نفسك احسن و شكل جسمك احسن و علاقتك بنفسك احسن و قدراتك الجسدية كلها احسن و حالتك الصحية احسن ف خليك مختلف عن كل الناس عشان كل واحد بيشيل مسئولية اختياره لوحده.
جاري تحميل الاقتراحات...