في شي ببالي أبا أتكلم عنه لكنه صعب لكن بحاول أوصلكم الفكرة
في فئة في الحياة ما تحب تظهر النعمة اللي في حياتهم دايم توضح للناس انه حياتها كئيبة ومش مبسوطة لدرجة انه حياتهم كذا تصير من كثر ما أظهرت الشي السيئ فقط

نفس الشي في ناس تدعي المرض في عندنا مثل يقول من قال هاه سمع هذا دايم كنت أقوله لوحدة كانت تسوي نفسها ما تسمع والله لما أقولها كذا على طول تجاوب مدري ايش مقصدها بس يمكن انه طبع فما أدري الصدق المهم والله مرت فترة وصارت فعلًا ما تسمع كثير حتى لما صرت أقولها كذا تقولي والله ماسمعت

أنا بالنسبة لي أحب أظهر النعم اللي في حياتي حتى ولو بالغت فيها بس والله أحب وأحس انه ربي يبارك لنا بالنعم

الناس صارت تخاف من العين بس ما أشوفها مبرر لدرجة اني أتصنع الحزن وسوء الحياة واحنا كل ما توهمنا بالشي صار والله وياما صارت وناس انقلبت حياتهم بسبب هذا الشي